Neyemiya 5:7 - Baibo Busansulushi Bwa Libuku Ili

⁷ Ndindakamana kuyeeya pamakani aya, ndakaambila bamatanjilili alimwi abacinenenene abo ayi, “Mwebo mutoolyatilila baJudanyinaanu.” Mpomunyaawo ndakabunganya bantu baanji kwaamba ayi cikani ici bacibandike.

Neyemiya 5:7 교차 참조

Bene Lefi 25:36

Utamulipilishi kusotoka pasheesho nshewakamupa, sombi unyumfwile nebo neLesa wako ayi mwine Isilaelinyoko ekale pafwaafwi awebo.

Kulonga 22:25

“Na mwakongosha maali muntu wangu mukandu uli woonse, tamweelete kuba anga ngushikukongosha maali akusuna kwaamba ayi eelikeewo maali amwi.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Taitasi 2:15

Koiisha shintu ishi alimwi akusebensesha nkusu nshoocite mukuyuminisha akululika baabo bakukutika. Kutabi muntu ukunyanshilisha.

1 Timoti 5:20

Abo bacita shibiibi balyeelete kukalalilwa pameenso a bantu boonse kwaamba ayi bamwi bacenjeleleewo.

Bene Galatiya 2:11

Sombi Pita ndyaakashika kuAntyoki, ndakamupikisha pameenso abantu boonse ceebo wakabisha.

2 Bene Kolinto 5:16

Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.

Mateyo 18:17

Ono na wakaka kubanyumfwila abalo, ulwiite bantu ba mucoonde. Ono na wakaka kunyumfwila abamucoonde boonse, amumucitebo anga ngumuntu wa kunsengwe nabi musonkeshi.

Esekelo 45:9

Mwaami Lesa Shinkusu shoonse wakaamba ayi, “Mwebo nobaleli bene Isilaeli, mweendilisha kubisha nobene Isilaeli! Amucileeke shalunkutwe alimwi akulyatilila bamwi. Amucite shintu shakutanyengelela alimwi shiluleme. Mutakatandi tubili bantu bangu kuswa mucishi cabo. Nebo neMwaami Lesa Shinkusu shoonse ndaamba.

Tushimpi 27:5

Ncibotu kukalalila muntu patuba kwiinda kumusuna lakwe kaatacishi.

Kulumbaisha 27:8

Mwebo mwakaamba ayi, “Kamunambila.” Nebo ndakaamba ayi, “Ndanoomulambila noBaami baLesa,

Kulumbaisha 15:1

NoBaami baLesa, anu ngani weenga wekala muŊanda yanu? Anu ngani weenga wakonsha kwikala pakalundu kanu kasalalite?

Kulumbaisha 4:4

Kamuloonda Lesa cakubula kubisha. Kamuyeeyesha makani aya ciindi ndimukutumana pabulo.

Kulumbaisha 109:11

Uyo ngwaakakongweta aakamunyaye shoonse nshaacite, beensu abakasaale shoonse isho nshaakayuwila.

Kulonga 22:24

Aboobo ndaakukalala akumucaya noonse munkondo. Bamakaanu balaakuba bamukalubinje, abalo bana banu balaakuba banabanshiwa.

Kulumbaisha 94:16

Ngani wakancafwa kulwana bamucita shibi? Ngani wakanjimikanina kubantu bacita bubi?

Tushimpi 28:4

Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.