Neyemiya 4:4 - Baibo Busansulushi Bwa Libuku Ili

⁴ Mpomunyaawo ndakapaila ayi, “NobaLesa besu, amunyumfwe mbobatootuseka. Amubaboosheshe mucobwe wabo, ee, matushi abo aalundane pamitwi yabo beene. Abapambwe shintu shoonse nshebacite alimwi batolwe busha kucishi cimwi.

Neyemiya 4:4 교차 참조

Kulumbaisha 79:12

Amuboosheshe mishobo imwi shishole mankanda osanwe aobilo, ceebo ca matushi ngobakalinga kumutukana noBaami baLesa.

Tushimpi 3:34

Ncakwiila ulaweluluka bantu balisumpula, sombi ulapa luse kubaabo baliceesha.

Osiya 12:14

Bene Isilaeli bakalengesha Mwaami Lesa kukalala abuumbi. Balyeelete kufwa ceebo ca shibiibi shabo. Mwaami Lesa ulaakubapa mulandu ceebo ca musebaanyo uyo ngobakamuletela.”

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

Neyemiya 5:9

Mpomunyaawo ndakatolelela akwaamba ayi, “Ncemutoocita ncibiibi. Sa tamweelete kuloonda Lesa wesu akucita shiluleme kwaamba ayi mutakacoboolwi kubaswamashi bakunsengwe balwani besu?

Malilo 1:22

“Amubashinine pashibiibi shabo shoonse, Amubacite bweenka mbomwakancita ceebo ca shibiibi shangu shoonse. Ncakwiila kutongela kwangu kwakomena cakwaamba ayi moyo wangu utoowisookabo.”