Neyemiya 4:14 - Baibo Busansulushi Bwa Libuku Ili

¹⁴ Ono ndindakabona kwaamba ayi bantu bapenga mumyoyo, ndakabambila pantu pomwi abamatanjilili babo alimwi abacinenenene ayi, “Mutaloondi balwani besu. Amwiibaluke Mwaami Lesa munene uyoosha. Amulwanine bene mishaanu, bana banu, bamakaanu alimwi amaandaanu.”

Neyemiya 4:14 교차 참조

2 Samwelo 10:12

Uyume alimwi tulwane cakubula boowa kwiimikanina bene misheesu amandabala anene akwe Lesa wesu. Mwaami Lesa aacite kweelana akuyanda kwakwe.”

Shakubelenga 14:9

Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.”

Bene Ebulu 13:6

Paceebo ceeco, katwaamba cakutaloonda ayi, “Mwaami Lesa ngomucafwi wangu, teshi nkaloondeewo. Ino muntu inga wancitanshi?”

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Kulumbaisha 65:5

Mwebo mulatukumbula kwiinda mukucita shaankamiko sha bululami, nobaLesa bapulushi besu. Kulangila kwa bantu boonse ba mucishi ca panshi, akwa baabo bali kwitala lya lweenge, kuli muli ndimwe.

Kulumbaisha 20:7

Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.

Neyemiya 1:5

Ndakapaila ayi, “NoBaami baLesa, baLesa ba kwiculu, nobaLesa banene, nomulemekwa, mulalama cipangano ca lusuno kuli baabo bamusuni alimwi bakonkela milawo yanu.

2 Makani 32:7

“Mulyeelete kuyuma akulishoma. Mutakaloondi nabi kutyongola ceebo ca mwaami wa bene Asilya abashilumamba bakwe baanji abo mbwaali abo. Swebo tulicite bashilumamba bakali kwiinda baabo mbwaali abo.

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Dutolonomi 10:17

Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.

Dutolonomi 1:21

Amubone aneeci. Kamuya mwikaleemo kweelana abwakaamba Mwaami Lesa, Lesa wa bamashali banu bakulukulu, mutaloondi nabi kutonsha.’

Kulumbaisha 143:5

Na ndeebaluka nshiku shangu shikulukulu, ndayeeya milimo yoonse njemwakacita. Ee, ndeebaluka shoonse nshemwakacita amaansaanu.

Kulumbaisha 66:5

Nobantu, kamwisa mubone Lesa ncaakacita, mubone milimo ikankamika njaacita pakati ka bantu.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 27:1

Mwaami Lesa ngomumuni alimwi ngoompulusha, taaku muntu nabi womwi ngoonoonda. Mwaami Lesa ndyelilinga lya buumi bwangu, taaku muntu nabi womwi ngoonoonda,

Jobo 37:22

Lyalo citubilishi ciboneka anga ngugolodi cilaboneka kumatwa. Anu ubo Lesa mbwaatondesha bulemu bwakwe bukankamika.

Shikushimikila 12:1

Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Kulonga 14:14

Mwaami Lesa utoomulwaninaako, aboobo tamweelete kwaamba ayi mucite cintu nabi comwi.”

Kulonga 14:25

Wakalengesha kwaamba ayi mawilo a shikoci shabo shankondo kucatwa cakwaamba ayi cakalinga ciyumu kweenda. Ndibakabona bobulya bene Ijipiti bakaamba ayi, “Mwaami Lesa utoolwaninako bene Isilaeli ayi tukomwe. Atusweemo muno!”

Boomboloshi 3:27

Ono ndyaakashika kucishi ca tulundu ca Efuleemu, wakalisha lupeenga kwiita bene Isilaeli ayi baye mukulwana. Lyalo wakabatanjilila kukunkuluka tulundu.

Danyelo 11:32

Kwiinda mukucenjeeka kwa kwaamba maswi abotu, ulaakuyungoola bantu abo bakasuula kale kupaila kwabo, sombi abo bashoma Lesa wabo balaakumukakila cankusu.

Sekaliya 14:3

Mpeeke Mwaami Lesa ulaakwisa mukulwana mishobo iyo bweenka bulwana shilumamba pabushiku bwa nkondo.