Neyemiya 2:19 - Baibo Busansulushi Bwa Libuku Ili

¹⁹ Sombi Sanibalati mwine Beti Oloni, Tobiya wacinenenene wa mucishi ca Amoni aGeshemu mwine Alabu, ndibakanyumfwa makani aya, bakatuseka akutuweluluka ayi, “Ono nciinshi ici ncemutoocita? Sa mulisuni kwaashukila mwaami?”

Neyemiya 2:19 교차 참조

Neyemiya 6:6

umo mwakalinga kulembetwe ayi, “Canyumfwika pakati ka mishobo, alakwe Geshemu wakaamba ayi webo abaJudanyoko mutooyeeya kubukila mwaami wa kuPesha. Anu nceceeco ncootooyakulwita lubumbu. Twanyuumfwa alimwi ayi ndiwe utooyanda kuba mwaami wabo

Maako 5:40

Ndibakanyumfwa boobo, bantu boonse bakamuweluluka. Aboobo Jesu wakabatandila pansengwe boonse. Wakatolabo baishi abanyina mulindu uyo alimwi abashikwiiya abo botatwe mbaakalingaabo akwinjila mucipinda mwakalinga mutuntu.

Bene Ebulu 11:36

Bamwi alimwi bakawelulukwa akukwipwa, abalo bamwi bakaangwa ncetani akuwaalwa muntolongo.

Milimo ya Batumwi 24:5

Twacana kwaamba ayi musankwa uyu taanyumfwi. Ngushi kutalika shimfulunganya pakati ka baJuda mucishi coonse alimwi ngumutanjilili wa likoto lya bene Nasaleti.

Joni 19:12

Ndyaakanyumfwa boobo, Pilato wakalinga kusuni kwaangulula Jesu, sombi baJuda bakoolobesha ayi, “Na mwaangulule muntu uyo, ingayi tamubete shicibusa wakwe Sisa muleli munene wa kuLoma. Uyo woonse ulipa bwaami, ingayi ngumulwani wa muleli munene wa kuLoma.”

Luka 23:2

Lyalo bakatalika kumubekesha shikani ayi, “Twakacana muntu uyu kayungoola bantu ba mucishi cesu ayi babukile cishi cino. Wakalinga kubaambila ayi bacileeke kupeleka musonko kuli Sisa, muleli munene wa kuLoma. Peculu lya waawo wakalinga kwaamba ayi uyu mwiine ngoUsalitwe wakwe Lesa alimwi ayi ngumwaami.”

Jelemiya 20:8

Ciindi coonse na ndaamba, ndoolobesha kwaambilisha makani a kupenshekwa alimwi akunyonyoolwa. Aboobo maswi a Mwaami Lesa anengesha kucobolwa akusekwa lilaya mukwipila.

Kulumbaisha 80:6

Mwakasuminisha batushingulukite kulwanina cishi cesu. Bulya balwani besu balatucelebula.

Kulumbaisha 79:4

Mishobo itushingulukite yatusebaanya cakumaninina. Bantu ba mishobo imwi batuseka alimwi akutucelebula.

Jobo 30:1

Sombi sunu banike kuli ndime batoonseka. Bamaishiwabo tebakalinga kweelelwa akucafwa bakabwa bangu kweembela mbelele.

Neyemiya 6:9

Anu bakalinga kweelesha kutukonga ayi tucileeke mulimo wesu. Sombi ndakapaila ayi, “Ono nobaLesa, amumpe nkusu.”

Neyemiya 4:1

Ono Sanibalati ndyaakanyumfwa ayi twatalika kuyakulula lubumbu, wakakalala abuumbi akutalika kutuseka.

Neyemiya 2:10

Ono Sanibalati mwine Beti Oloni alimwi aTobiya wacinenenene mucishi ca Amoni ndibakanyumfwa kwaamba ayi kwesa muntu mukusumpula buumi bwa bene Isilaeli, bakakalala abuumbi.

Mateyo 9:24

Peenka wakabaambila ayi, “Amuswe ceebo mulindu uyu taafwite, uliletebo.” Sombi boonse bakamuweluluka.

Neyemiya 13:28

Mwanaakwe Joiyada umwi, mwishikulu wakwe Eliyashibu mupailishi munene, wakeeba mwanaakwe Sanibalati mwine Oloni. Aboobo ndakamutanda muJelusalemu.

Kulumbaisha 123:4

Twaana kucelebulwa kubantu babile, akushibulukwa kubantu balisumpula.

Jelemiya 41:10

Kuswawaawo Ishimaeli wakacata busha bantu boonse abo bakalinga kuMisipa. Nkokwaamba ayi banaamwaami banakashi pantu pomwi aboonse abo bakalinga bacaala kooko abo Nebusaladani mutanjilili wa beshikulindilila mbwaakasalila Gedaliya mwanaakwe Aikamu ayi kaabeendelesha. Ishimaeli wakabacata busha akululama kucishi ca bene Amoni.

Kulumbaisha 80:7

NobaLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

Isaya 36:5

Sa utooyeeya ayi maswi inga eelana alushibo lwa nkondo alimwi ankusu? Ngani ngootooyeeya ayi inga wakucafwa kubukila bene Asilya?