Naamu 3:3 - Baibo Busansulushi Bwa Libuku Ili

³ Beshimaaki baliciteeko kucica! Mipeeni itoobekookabo! Aalo masumo alipiyeenepiyeenebo! Mituntu ya bantu yeelinkana! Ncakwiila mibili ya baabo bacaikwa teebelengeki. Bantu batoolisuntulaamobo akuwitaawo pakweenda.

Naamu 3:3 교차 참조

Abakuku 3:11

Lisuba amweenshi shakacileka kweenda ndishakabona kubekooka kwa mifwi yanu akubekabeka kwa lisumo lyanu.

Esekelo 39:4

Ulaakuwita patulundu twa Isilaeli, webo, bashilumamba bako boonse alimwi amishobo imwi iyo njeshi ukanooli ayo. Ndaakukusandula kuba cakulya ca bayuni bapusenepusene balya nyama aca banyama ba muluundu.

Isaya 37:36

Lyalo munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Isaya 34:3

Bantu babo beshi bakacaikwe balaakusowekwabo, mituntu yabo ilaakunoonunka cilensha bunya. Tulundu tulaakubabo lololo kubulowa bwabo.

Naamu 2:4

Shikoci shiinji shitokweenda lubamba mumikwakwa. Shitooya kashisa mumisena icanika bantu baanji ya ndabala inene. Shitoonyaka anga nshimunimweenge, shitoocitabo anga nkubeka kwa mfula.

2 Baami 19:35

Mashiku ayo, munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Matalikilo 3:24

Mpeeke kwicwe lya muunda wakabikaako shilengwalengwa shuumi shiitwa ayi bakelebu amupeeni wakalinga kunyaka mulilo, kwaamba ayi kubule ushika pafwaafwi acisamu cipa buumi.

Bene Lefi 26:37

Mulaakulimbana nabi taaku utoomutandaanya alimwi mulaakwaalilwa kulwana amulwani uli woonse.

Isaya 66:16

Mwaami Lesa ulaakoombolosha bantu boonse amulilo alimwi amupeeni. Ncakwiila Mwaami Lesa baanji ulaakubacaya.