19 Taaku musamu wa cilonda cako, ee, cilonda cako tacishilikiki. Boonse banyumfwa makani a kunyonyooka kwako, balakamba mapaka cakusangalala ceebo taaku utana kupengawo kale kulunkutwe lwako.
Cilonda ca ndabala inene ya Samaliya tacishilikiki. Ono cishi ca Juda citooyanda kuba acilonda ca mushobo womwi. Ncakwiila cashika apamwinjililo wa bantu bangu, ee, cashika akundabala inene ya Jelusalemu iine.”
Bantu boonse beenda kufwaafwi andiwe balakukankamuka. Balakuseka akupukumuna mitwi yabo akwaamba ayi, “Sa iyi njendabala inene ilya yakalinga kwiindaawo kubota? Sa njendabala iyo yakalinga kusangalasha cishi coonse?”
Akunoocica calo cilaakupuupa abuumbi akupanga coongo, kumukonga cakumutupula pamulyango wakwe.
“Kamuya kuGilyadi mukalete musamu, mwebo nobene Ijipiti Mutoobunjikabo misamu itacite ncito ceebo taaku ceshi cikamushilikeewo, sobwe.
NoBaami baLesa, soonse tulishi kwaamba ayi bamaami ba bene Asilya bakanyonyoola shishi shiinji cakucaalabo matongo.
Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!
Bamaami ba mucishi ca panshi bakoonaakwe alimwi bantu ba mucishi bakakolwa waini wa bufuule bwakwe ubo.”
Munyama ngomunya uyo wakasuminishikwa kulwana abashomi akubakoma. Wakapekwa ankusu shakweendelesha mikowa yoonse, mishobo yoonse, milaka yoonse alimwi abantu bacite shikanda shipusenepusene.
“Nebo neMwaami Lesa Shinkusu shoonse ndaamba ayi, ‘Mwebo mwakakambilila, mwakasotooka alimwi akusangalala abuumbi pamapensho a cishi ca Isilaeli.
Amunyumfwe, kwesa nkombe ayi kutoosa shimfulunganya shinene abuumbi kuswa kucishi ca kumatwa. Likoto lya bashilumamba lya cishi ico lilaakulengesha mandabala a kuJuda kuba matongo umo mwikalabo bamwaaba.”
Mwaami Lesa waamba ayi, “Shiloonda shanu tashicite mashilikilo. Ncakwiila shimeenga shanu tashikoonshi koosha.
Webo wakanyumfwawo kale bamaami ba bene Asilya mbobacita kucishi ico ncaapinga kunyonyoola. Ono sa webo inga wapulushikwa?
“Nyamuka uye kundabala inene iindaawo ya Ninife, akushimikila cakucenjesha bantu ba mumo, ceebo bubi bwabo ndabubona ayi bwafula.”
