Naamu 2:1 - Baibo Busansulushi Bwa Libuku Ili

¹ Mwebo nobene Ninife balwani banu bashika. Amubike beshikulindilila kuciyubilo! Amubike beshikulindilila kumukwakwa! Amulibambile kulwana! Amwiimikane cankusu!

Naamu 2:1 교차 참조

2 Makani 25:8

Nabi mwaya mwalwana buyani cankusu, Lesa ulaakumwaaba mumaansa a balwani banu mukwiinga ngoocite nkusu shakumucafwa nabi shakumwaaba mumaansa a balwani banu.”

Jelemiya 50:23

Babiloni wakapwayoola cishi coonse ca panshi anga ninsando. Ono nsando iyo yapwayoolwa njiyo cakumaninina! Mishobo imwi yoonse yakankamana kuceeco cacitika kucishi ca Babiloni.

Isaya 14:6

iyo yakalinga kuumishikwa mishobo ya bantu cabukali alimwi cakutacilekaawo. Mubukali yakakoma mishobo iinji akwiipensha cakutaboolaawo pesule.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Kulumbaisha 50:14

Amubenge milambu yakulumba kuli Lesa. Amupe shoonse nshemwakashomesha cakulumbila kuli Lesa wa kwiculu Wiindaawo.

Kulumbaisha 65:2

Mwebo ndimwe mukumbula mipailo. Aboobo boonse balaakwisa kuli ndimwe.

Isaya 29:7

Lyalo balwani bako boonse abo bakulwana ocipaililo ca Mwaami Lesa, ee, abo bakulwana akunyonyoola shiyubilo shako alimwi akukushinguluka, ncakwiila balaakuba anga nciloto.

Isaya 29:8

Balaakuba anga ngumuntu ufwite nsala walota kulya, sombi na wabuka yalo nsala kunoociinyumfwitebo. Nabi anga ngumuntu ufwite nyotwa uyo walota kunwa, sombi na wabuka yalo nyotwa kunoociinyumfwitebo. Anu ubo mbweshi cikabe kubalwani boonse abo balwana Kalundu ka Siyoni.

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”