Naamu 1:12 - Baibo Busansulushi Bwa Libuku Ili

¹² Mwaami Lesa waamba ayi, “Nakubi kwaamba ayi bene Asilya balicite nkusu alimwi mbaanji, balaakunyonyoolwa akumaninabo limwi. Mwebo nobantu bangu bene Juda, nabi ndakamupensha teshi nkamupensheewo tubili, sobwe.

Naamu 1:12 교차 참조

Jowelo 2:19

Mwaami Lesa ulaakubakumbula ayi, “Ono bulya ndaakumupa shili anga ngamaila, waini amafuta a olifi. Lyalo mwebo mulaakukuta. Ncakwiila mishobo imwi teshi ikamusebaanyeewo.

Ciyubululo 7:16

Teshi bakanyumfwewo nsala nabi nyotwa. Teshi bakanyumfwewo lumwi nabi kupenga kucikasaashi cili coonse.

Naamu 1:15

Amubone, shinkombe utoosa kucilingana tulundu ee, shinkombe utooleta makani abotu, utokwaambilisha shaluumuno! Mwebo nobene Juda kamuba anshiiku shanu shakusekelela akucita kweelana ambomwakashomesha cakulumbila. Bamucita shibi teshi bakamulwaneewo tubili ceebo balaakunyonyoolwa cakumaninina.

Danyelo 11:10

“Baana basankwa ba mwaami wa bene Silya balaakulibambila kuya kunkondo akubunganya likoto lya bashilumamba linene. Likoto lya bashilumamba ilyo lilaakunyonyoola cakupyanga anga ngamaanshi asefuka atakoonshi kushinkilwa. Lilaakushika akuciyubilo ca bulelo bwa bene Ijipiti.

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Isaya 37:36

Lyalo munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Isaya 31:8

“Cishi ca Asilya cilaakunyonyoolwa kunkondo. Nakubi boobo teshi maansa a bantu eshi akacite boobo, sobwe. Bene Asilya balaakwiicica nkondo iyo, bacikula bwangu babo balaakucatwa cibalu.

Isaya 30:19

Mwebo nobantu ba muSiyoni, ee, mwebo nomwikala muJelusalemu, teshi mukalilewo tubili sobwe. Mwaami Lesa ulaakumunyumfwila luse bushiku mbweshi mukamulilile ayi amucaafwe. Ncakwiila aakunyumfwabo kusenga kwanu, ulaakumukumbula.

Isaya 17:14

Macolesha kabaloondesha! Sombi na bwaca macuunsa bacica. Anu ubo mbweshi cikabe kubaabo boonse batusaala, ee, kubaabo batubwesela buboni.

Isaya 8:8

Balaakupyanga cishi ca Juda anga ngamaanshi aanji asefuka cakushika munshingo akufwekelesha shintu shoonse.” Imanuweli! Nkokwaamba ayi Lesa uli aswebo! Mapapaminwa akwe afungulukite alaakutabilila cishi coonse.

Isaya 7:20

“Munshiku isho Mwaami Lesa ulaakutamba shikucesa kuswa kwitala lya Mulonga wa Yufuletisi. Ee, ulaakutamba mwaami wa bene Asilya ayi ese acese misusu yanu, booya bwanu bwa pamubili akumukulula ndesu.

2 Baami 19:37

Bumwi bushiku ndyaakalinga kulambila kuli Nisiloku lesa wakwe, Adilameleki alimwi aSalesa, bana bakwe basankwa, bakamucaya amipeeni yabo. Lyalo bakacicila kucishi ca Alalati. Mpeeke Esaadoni, mwanaakwe musankwa umwi ngowakapyana bwaami bwakwe.

2 Baami 19:35

Mashiku ayo, munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Kulonga 12:12

“Pabushiku ubo mbomunya mashiku, ndaakwiinda mucishi coonse ca Ijipiti kuya cicaya baana basankwa boonse bakwiiya ba bantu alimwi aba shifubwa. Ndaakupa mulandu balesa boonse ba bene Ijipiti. Nebo ndime Mwaami Lesa.

Isaya 10:16

Paceebo ceeco Mwaami Lesa, ee, Mwaami Lesa Shinkusu shoonse ulaakutuma bulwashi bucaya pakati ka bashilumamba ba muleli uyo. Lyalo kulisumpula kwakwe kulaakupya amulilo utashimiki.