Naamu 1:11 - Baibo Busansulushi Bwa Libuku Ili

¹¹ Kuswa kuli ndiwe ondabala ya Ninife mulaakuswa wooyo upinga kucita shibiibi kuMwaami Lesa akupanda maano mukucita bubi.

Naamu 1:11 교차 참조

Naamu 1:9

Shintu shoonse balwani abo nshebapinga kucita kuMwaami Lesa, ulaakushilengesha kumaninina. Ncakwiila Mwaami Lesa taabooshi cishole lyobilo.

2 Makani 13:7

Wakabunganya bantu bataaku mbobabete batanyumfwi abo bakakakatisha Leoboamu mwanaakwe Solomoni kucita mbobakalinga kusuni. Paciindi ico Leoboamu wakalinga mwanike alimwi kaatacite lushibo kwaamba ayi abakakile.

2 Baami 18:30

Atamuyungooli ayi mucinke manungo muMwaami Lesa. Mutanooyeeya ayi Mwaami Lesa ulaakumufuna nabi kukasha likoto lya bashilumamba bene Asilya kubwesa ndabala yanu.’

2 Samwelo 20:1

Ono muGilugala mwakalinga cikwapululwa ca muntu wiitwa ayi Sheba mwanaakwe Bikili wamumukowa wakwe Benjameni. Sheba uyo wakalisha lupeenga akoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli, musankwa womwi awomwi aaboolele kuŋanda yakwe!”

1 Samwelo 2:12

Bana bakwe Eli basankwa bakalinga babiibi. Tebakalinga kunyumfwila Lesa

Esekelo 11:2

Mpomunyaawo Mwaami Lesa wakaŋambila ayi, “Webo omuntu, aba mbobantu bapinga kucita bubi akupanda bantu maano abiibi mundabala ino.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.