Mika 7:6 - Baibo Busansulushi Bwa Libuku Ili

⁶ ceebo ciindi cino mwaana musankwa utoonyansha baishi. Mwaana mwanakashi utoobukila banyina, alakwe mulokashi utoobukila bapongoshi bakwe banakashi. Ono nkokwaamba ayi balwani ba muntu mbaabo beenka mbwaakalaabo paŋanda.

Mika 7:6 교차 참조

Luka 12:53

Baishi balaakubukila mwaana musankwa, alakwe mwaana musankwa ulaakubukila baishi, banyina balaakubukila mwaana mwanakashi, alakwe mwaana mwanakashi ulaakubukila banyina. Bapongoshi banakashi balaakubukila mulokashi, alakwe mulokashi ulaakubukila bapongoshi bakwe banakashi.”

Mateyo 10:21

“Muntu ulaakubenga mukwabo wa lifumo lyomwi ayi acaikwe, abalo bamaishiwabo balaakubenga bana babo. Abalo baana balaakubukila bamashali babo, akubacaisha.

Kulumbaisha 41:9

Ono amweensuma mwiine mwiine ngooncinkitemo manungo, mweensuma ngoondyaakwe mbale yomwi, wambukila.

Esekelo 22:7

Muli ndiwe taamu nabi womwi uyo ulemeka baishi nabi banyina. Muli ndiwe bantu balacenjeeka baswamashi akupensha bana banshiwa alimwi abamukalubinje.

Joni 13:18

“Nshintokwaambila noonse, sombi ndibeshi abo mbondakasala. Ishi shacitika kweelana aMalembo akwe Lesa akwaamba ayi, ‘Uyo ngondakalinga kulyaakwe mbale yomwi wakambukila.’

Tushimpi 30:11

“Kuli bantu bashingana bamaishiwabo alimwi batatondeshi kulumba kubamanyinawabo.

Luka 21:16

Abashali banu boonse, bamakwabanu, beshikamukowa ababyaanu balaakumwaaba kubalwani, bamwi pakati kanu balaakucaikwa.

Mateyo 26:23

Lakwe wakakumbula ayi, “Ngooyo ngoontobwengaakwe mumbale yomwi.

Obadiya 1:7

Babyaanu bamucenjeeka, akumutanda mucishi canu. Abo mbomwakalinga kunyumfwanaabo bamubukila akumukoma. Mbomunya mbomwakalinga kulyaabo, bamuteya koose. Mwebo akwishibawobo napaceyi.”

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 12:6

Bakwanu, ee, mboolyaabo mbale yomwi, bakwaaba. Balapaankana abantu bamwi ayi bakulwaane Utanoobashoma nabi kabaamba shibotu pali ndiwe.”

Tushimpi 30:17

“Muntu ucelebula baishi akunyansha banyina, meenso akwe alaakulobolwaamo kubacikwangala bamucinyika alimwi ulaakulikwa kumakubi.

2 Samwelo 16:11

Lyalo Defedi wakaambila Abishayi abacinenenene bakwe bamwi boonse ayi, “Amubone, mwanaangu musankwa utoopinga kuncaya, ino inga ceela kuli pawooyu mwine Benjameni! Amumuleeke mwiine ancobole ceebo Mwaami Lesa mbwaamulwiita.

Matalikilo 49:4

Webo uli anga ngamaanshi aanji atookunka, ono sombi teshi ukabe muntu uyandika kwiinda bamwi boonse, mukwiinga wakakumana akasuwa wangu, akunyansha bulo bwa baiso.

Isaya 9:19

Nceceeco bukali bwa Mwaami Lesa Shinkusu shoonse ncebwatentela cishi alimwi bantu baba nsheenkuni shitoobilimya mulilo uyo. Ono taaku nabi womwi weshi akafwite nkumbu mukwabo.

Jelemiya 9:4

“Jelemiya, cenjela ababyo, utashomi bamakwanu ceebo mukwanu woonse ngumubeshi amubyo woonse ngushikufuya.

Isaya 3:5

Lyalo bantu balaakutalika kulyatililana, nkokwaamba ayi musankwa kulyatilila musankwanyina, shikamukobo kulyatilila shikamukobonyina. Bacikula bwangu balaakunoonyansha bamanene abalo bantu bataaku mbobabete balaakunoonyansha bamatanjilili babo.