Mika 7:14 - Baibo Busansulushi Bwa Libuku Ili

¹⁴ NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Mika 7:14 교차 참조

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 37:24

Kwiinda mubeshinkombe bako walundika matushi pali ndime neMwaami Lesa.’ Wakaamba ayi, ‘Ndatanta tulundu ashikoci shiinji, ee, ndatanta atulundu tulaamfu twa mucishi ca Lebanoni. Ndakatimboola shisamu sha sida shilaamfu alimwi ashisamu sha mapaini shiindaawo kubota. Ndakashika kweela misaansa ya ncico, ee, mukati mumisaansa iindaawo kubota.

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

Kulumbaisha 95:7

mukwiinga lakwe nguLesa wesu. Swebo tuli bantu bakwe mbwaaembela anga nimbelele shili mumaansaakwe. Amunyumfwe liswi lyakwe Lesa sunu.

Kulumbaisha 28:9

Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.

Joni 17:16

Tabeshi bamucishi ca panshi bweenka anebo mboonteshi wamucishi.

Mateyo 2:6

‘Webo Betileemu wa mucishi ca Judeya, toobete ndabala iniini pamandabala oonse a muJudeya, ceebo muli ndiwe mulaakuswa mutanjilili eshi akeembele bantu bangu bene Isilaeli anga ngumweembeshi.’ ”

Malaki 3:4

Lyalo milambu bene Juda abene Jelusalemu njeshi bakanoobenga kuMwaami Lesa, ilaakunooba yeelete bweenka mboyakalinga kuba kataanshi.

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Malilo 5:21

NoBaami baLesa amutubooshe kuli ndimwe atupilukile kuli ndimwe. Amulengeshe nshiku shesu shibe shabulemu mbuli shikulukulu.

Isaya 65:10

Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Kulumbaisha 143:5

Na ndeebaluka nshiku shangu shikulukulu, ndayeeya milimo yoonse njemwakacita. Ee, ndeebaluka shoonse nshemwakacita amaansaanu.

Dutolonomi 33:28

Aboobo bene Isilaeli balekala muluumuno, bamulunyungu lwakwe Jakobo tabalokelwi kalongo mucishi muswite shili anga ngamaila awaini, uko mume nkooloka kuswa kwiculu.

Shakubelenga 23:9

Ndababona kuswa peculu lya tulundu twa mabwe. Ndababona kuswa peculu lya tulundu tulaamfu. Ngumushobo wikalabo weenka, balishi ayi balicite coolwe kwiinda mishobo imwi yoonse.

Kulonga 33:16

Ino bantu bamwi inga beshiba buyani ayi mulikondetwe mubantu banu alimwi anebo na mukabule kuya aswebo? Mukwiinga na mukaye aswebo, bantu boonse mucishi ca panshi balaakwishiba ayi tulipusene ambabo.”

Malilo 1:7

Munshiku shakupenshekwa alimwi akwiingooka kwa njiyo, Ndabala ya Jelusalemu yayeeya abuboni boonse ubo mboyakalinga kucite kale kale. Bantu ba njiyo ndibakawita mumaansa a balwani ba njiyo, taaku muntu nabi womwi wakeecafwaako. Balwani ba njiyo bakeelangabo akwiiseka mboyakanyonyoolwa.

Bene Lefi 27:32

Pashifubwa shili likumi, ca likumi nca Mwaami Lesa, na shifubwa shitoobelengwa, ca likumi ncaangu neMwaami Lesa.

Lwiimbo lwakwe Solomoni 4:1

Oosunikwi wangu, alimwi uli mubotu abuumbi. Ncakwiila meenso ako atooyasa kulusuno mukati ka nsalu yuubu ya kumeenso. Misusu yako ilibo anga nditanga lya mpongo litookunkuluka Kalundu ka Gilyadi.

Jelemiya 49:31

“Amunyamuke mukalwane mushobo wa bantu uliibite. Toolisukami nabi comwi. Mushobo uyo toocite ndabala icite mwinjililo nabi mpingilo. Ulilishiitilebo kwakubula akwakucicila.

Esekelo 36:11

Ndaakufusha mweelo wa bantu ashifubwa pali ndimwe. Balaakushalana alimwi akufula. Ndaakwikalika bantu pali ndiwe mbuli kalekale akukulengesha kuswitilila kwiinda pakutaanguna. Lyalo ndyeshi mukeshibe ayi nebo ndi Mwaami Lesa.

Shakubelenga 32:1

Ono mukowa wakwe Lubeni awakwe Gadi yakalinga kucite shifubwa shiinji abuumbi. Ono ndibakabona cishi ca Jasa aca Gilyadi ncibotu kushifubwa,

Shakubelenga 32:4

ayo Mwaami Lesa ngaakalengesha ayi bene Isilaeli bakome, njimisena ibotu abuumbi kushifubwa alimwi swebo tulicite shifubwa shiinji abuumbi.

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Obadiya 1:19

“Bantu ba kumalenge a cishi ca Juda, balaakwikala mumalundu a Esau, alimwi abo baswa mutulundu tuniini, balaakubwesa cishi ca Filisiti. Balaakwikala mucishi ca Efuleemu aSamaliya, Benjameni ulaakubwesa cishi ca Gilyadi.

Sekaliya 10:10

Ndaakubaboosha kuswa kuIjipiti akubaboosha kuswa kuAsilya. Ndaakubaleta kuGilyadi akuLebanoni alimwi ncakwiila balaakwaata uko.

Sekaliya 11:7

Abo bakalinga kuula mbelele akushuulisha bakampa ncito yakusheembela. Ndakatalika kweembela mbelele isho shakalinga kweelete kucaikwa. Lyalo ndakabwesa nkoli shobilo akwiita imwi ayi, “Nkumbu,” ayalo imwi ayi, “Kucatana.” Kuswawaawo ndakeembela mbelele isho kabotu.