Mika 7:13 - Baibo Busansulushi Bwa Libuku Ili

¹³ Cishi ca panshi cilaakuba luyanga ceebo cakubisha kwa baabo bekalaamo.

Mika 7:13 교차 참조

Jelemiya 25:11

Cishi cino coonse cilaakuba matongo. Lyalo mishobo iyi ilaakunoosebensela mwaami wa bene Babiloni kwamyaaka makumi osanwe amakumi obilo.

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Mika 6:13

Aboobo ndatalika kumunyonyoola, ee, kumulobya ceebo ca shibiibi shanu.

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Jelemiya 21:14

Ndaakumupa mulandu kweelana abweelete micito yanu. Ndaakukumika mulilo muŋanda yanu ya bwaami uyo weshi ukateente shintu shoonse nshimushingulukite. Nebo neMwaami Lesa ndaamba.”

Tushimpi 31:31

Aapekwe cilambu ceelete pamilimo yakwe. Ncakwiila milimo yakwe aimuletele kulumbaishikwa kumwinjililo wandabala inene.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Tushimpi 1:31

Paceebo ceeco mulaakulya shisepo sha milimo yanu akukuta shisepo sha micito yanu.

Jobo 4:8

Kweelana ambondakacibona, balya bashanga bubi, balatebula bubi. Mbweeke ubo abalo bashanga mapensho, balatebula mapensho.

Esekelo 12:19

Kuswawaawo waambile bene Isilaeli ayi, pabantu bekala muJelusalemu amucishi ca Isilaeli Mwaami Lesa Shinkusu shoonse waamba ayi, ‘Balaakunoolya shakulya shabo cakulisukama akunwa maanshi caboowa. Shintu shoonse sha mucishi cabo shilaakubwesekwa ceebo ca shintu shalunkutwe sha bantu boonse bekalaamo.

Esekelo 33:28

Ndaakusandula cishi kuba luyanga ankusu nshebalinga kulisumpwitaawo shilaakubamana. Atwalo tulundu twa muIsilaeli tulaakucaalabo tuu cakwaamba ayi taaku muntu eshi akanokwiindaamo.

Mika 3:4

Ciindi cilaakushika ndyeshi mukalilile Mwaami Lesa, sombi lakwe ulaakukaka kumucafwa. Teshi akakutike kumipailo yanu ceebo ca bubi mbomwakacita.”

Mika 5:3

Mwaami Lesa ulaakusuula bene Isilaeli, kushikila muleli uyo akashalwe alimwi kushikila bamakwabo abo bali mubusha bakaboole pakati ka bene Isilaelinyinaabo.

Isaya 17:9

Pabushiku ubo mandabala a bene Isilaeli ayo acite malinga ayumu balaakwaashiyabo cisuukila, bweenka bwakacita bene Amoli abene Ifi ndibakalinga kuloonda bene Isilaeli. Mulaakucaalabo kamushinka, ee, shoonse shilaakucaalabo mumatongo.