2 Amunyumfwe mwebo notulundu mulandu Mwaami Lesa ngwaapa. Amunyumfwe mwebo nolwiimbi lwa cishi ca panshi, Mwaami Lesa wapa bantu bakwe mulandu. Ncakwiila washinina bantu bakwe bene Isilaeli.
Mwaami Lesa ulicite mulandu wakupa bene Juda. Ulaakupa mulandu bamulunyungu lwakwe Jakobo kweelana amicito yabo. Ulaakubabooshela cishole ceebo ca shintu isho nshebacita.
Amunyumfwe liswi lya Mwaami Lesa mwebo nobene Isilaeli mukwiinga Mwaami Lesa ulicite mulandu ngwaatoomupa mwebo nomwikala mucishi cino. Waamba ayi, “Mucishi cino taaku kushomeka, lusuno nabi lwishibo lwakwaamba ayi ndime Lesa.
Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.
Mwakabika cishi ca panshi palwiimbi lwa ncico, alimwi teshi cikatenkaane.
Panshi lya lweenge pakacaalabo patuba, lwiimbi lwa cishi ca panshi lwakafwekulwa Mwaami Lesa ndyaakakalalila balwani bakwe. Ee, Mwaami Lesa wakababulumina cabukali.
Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.
Na kukabe bushiku bantu mbweshi bakakonshe kupima liculu akukonsha kubona lwiimbi lwa cishi ca panshi akulwishiba, mbobushiku nebo neMwaami Lesa mbweshi nkakake bene Isilaeli ceebo ca shibiibi nshebakacita. Nebo neMwaami Lesa ndaamba.”
Ciyobeyobe ico cilaakunyumfwika akweela cishi ceebo Mwaami Lesa ulaakupa mulandu mishobo ya bantu. Ulaakoombolosha mishobo ya bantu yoonse akucaisha bamucita shibi munkondo. Mwaami Lesa waamba.’ ”
Ono Mwaami Lesa waamba ayi, “Mwebo ntoomupa mulandu alimwi. Abalo bamulunyungu lwa bana banu ndaakubapa mulandu bweenka mbuli ndimwe.
Amwiinduluke mushintu shakalinga kucitika kale kale. Lyalo tubandikile pantu pomwi cikani ico. Amwise mulyaambilile, mutondeshe kubula mulandu kwanu.
Usunikwi wangu waamba ayi, “Ono mwebo nobantu ba muJelusalemu amucishi ca Juda amoomboloshe pakati kangu amuunda wangu wa minyansa.
Ndakalingaako ndyaakabika manyinsa a lweenge akukasha maanshi kwiindilila manyinsa akwe. Ndakalingaako ndyaakapanga lwiimbi lwa cishi ca panshi.
“Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.
Ndeeta liculu acishi ca panshi kuba bakamboni sunu, kwaamba ayi na mukabule kunyumfwila, teshi mukekaale ciindi cilaamfu mucishi cili kwitala lya Joodani ico ncemuli pafwaafwi kubwesa. Sombi mulaakunyonyoolwa cakumaninina.
Ono Mwaami Lesa wekala pacuuna cakwe ca koombolosheshaawo. Bulya wanyamuka kwaamba ayi oomboloshe bantu bakwe.
Amukutike mbwaatokwaamba Mwaami Lesa. Waamba ayi, “Amwiimikane, mwaambe mulandu wanu kunembo lya tulundu. Tulundu atunyumfwe nshemutokwaamba.”
Jakobo wakalwana aEsau kabacili mulifumo alimwi ndyaakakula wakalwana aLesa.
