Mika 6:16 - Baibo Busansulushi Bwa Libuku Ili

¹⁶ Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

Mika 6:16 교차 참조

Jelemiya 51:51

Mulaamba ayi, ‘Swebo tulicite nsoni ceebo twacobolwa. Aboobo tulilisendete cibiibi mukwiinga baswamashi bakenjila mumisena isalalite ya muŊanda yangu nebo neMwaami Lesa.’

Jelemiya 7:24

Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.

Jelemiya 19:8

Lyalo ndabala iyi ndakwiinyonweetabo limwi akwiilensha nsoni. Lyalo boonse abo beshi bakanokwiinda pafwaafwi balaakunookankamana akucobola ceebo ca mapensho oonse a njiyo.

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Kulumbaisha 44:13

Mwakatulengesha kuba pakusekela kubashikamukobonyineesu, ncakwiila twaba bamushibulukwa alimwi bamuwelwa kubaabo mbotwikalaabo.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Osiya 5:11

Bene Isilaeli batoolyatililwa, bashiya cishi ico cakalinga caabo kwakubula mwiipusho ceebo cakukakatila kucinka manungo mushibumbwabumbwa isho shitakoonshi kubacafwa.

Danyelo 9:16

NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Esekelo 39:26

Lyalo baakwikala kwakubula cakulisukama mucishi cabo alimwi kwakubula muntu nabi womwi wakubaloondesha, balaakuluba nsoni shabo nshebacite ceebo cakutashomeka kwabo kuli ndime.

Malilo 5:1

NoBaami baLesa, amwiibaluke ico cacitika kuli ndiswe. Amulangilishe mbotwasebaana.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Isaya 9:16

Abo batanjilila bantu aba, babapilinganya. Abalo abo batanjililwa basowekwa.

Kulumbaisha 1:1

Ulicite coolwe muntu uyo uteendi munshila shibiibi sha beshikubisha, utakonkeli shicita bamucita shibi abo, alimwi utasenkani abaabo baweluluka shakwe Lesa.

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

2 Baami 21:3

Wakayakulula misena yakulambililaako ya patulundu iyo yakanyonyoola Esekiya. Wakayaka ashipaililo shakulambililaawo Baali akubumba cikoshanyo cakwe Ashela lesa mwanakashi bweenka bwakalinga bwacita Aabu mwaami wa bene Isilaeli. Manase lakwe wakalinga kulambila anyenyeenshi.

2 Baami 16:3

Wakakonkela shakacita bamaami ba bene Isilaeli. Lakwe wakabenga amwanaakwe ayi ngumulambu wakutenta kushibumbwabumbwa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

1 Baami 9:8

Iyi Ŋanda yangu ilaakuba litongo alimwi muntu woonse weshi akeendileeko ulaakukankamana abuumbi cakufwa aboowa akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

Jelemiya 25:18

Nkokwaamba ayi bantu ba muJelusalemu aba mumandabala a muJuda, bamaami ba mumo abacinenenene babo kwaamba ayi banyonyooke akuba cintu ceelete kuloondwa, kushibulukwa alimwi akushinganwa bweenka mbuli mbobabete sunu.

Jelemiya 29:18

Ndaakubatandaanya kunkondo, nsala amwaalu akubalengesha kupatwa kubwaami boonse bwa pacishi ca panshi. Lyalo balaakuba cintu ceelete kushinganwa, kuloondwa, kushibulukwa akusekwa pakati ka mishobo iyo njendakabatandilaako.

Osiya 12:14

Bene Isilaeli bakalengesha Mwaami Lesa kukalala abuumbi. Balyeelete kufwa ceebo ca shibiibi shabo. Mwaami Lesa ulaakubapa mulandu ceebo ca musebaanyo uyo ngobakamuletela.”

Mika 2:6

Bantu balaŋambila ayi, “Cileke kulaluka, ee, cileke kulaluka pamakani aya. Lesa teshi akatulekelele ayi tusebaane.

Mika 6:13

Aboobo ndatalika kumunyonyoola, ee, kumulobya ceebo ca shibiibi shanu.

2 Makani 22:4

Wakabisha pameenso a mwaami Lesa mukwiinga kuswa paciindi baishi ndibakafwa, bamuŋanda yakwe Aabu bamwi bakaba beshikumupandako maano. Ici cakalengesha ayi aalilwe kutolelela kulela.

Kulumbaisha 44:14

Mwatulengesha kuba ntantaala ya maleende ya mishobo imwi, bulya kulilabo utokwiinda ulapukumuna mutwi pali ndiswe.