Mika 3:6 - Baibo Busansulushi Bwa Libuku Ili

⁶ Paceebo ceeco mashiku alaakwisa alimwi teshi muboneewo cili anga nciloto. Ncakwiila munshinshe ulaakwisa alimwi teshi mukasondeewo napaceyi. Lisuba lilaakwipila kubalaluki abo, ndushinisho kulaakuboolabo mbi kuli mbabo.

Mika 3:6 교차 참조

Isaya 29:10

Mwaami Lesa wamulengesha kushinshila ayi moone cakufwa. Balaluki abo bali anga ngomeenso anu wabacala pameenso. Ee, wacala meenso a beshikubona abo bamutanjilila.

Isaya 59:10

Ono twababo anga mboofu kuya caashaasha muya lubumbu, ee, anga mbantu batalashi kuya cipampanshila motweelete kwiinda. Lumwi lubala tulalisuntula anga ndimashiku. Tuli anga mbantu bali kumusena wa bafu kumunshinshe.

Jelemiya 15:9

Lyalo mushali mwanakashi wa baana bosanwe abobilo ulaakulefuka akufwa. Lakwe lisuba lilaakumupilila kaliciliiko. Ndushinisho ulaakunyumfwa nsoni akusebaana. Kuswawaawo, abo boonse beshi bakacaaleewo ndaakubacaisha kubalwani babo. Nebo neMwaami Lesa ndaamba.”

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Kulumbaisha 74:9

Shaankamiko shoonse shamana. Taaku balaluki bakacaalaawo. Taaku nabi womwi ushi nkweshi cikeele ici.

Esekelo 7:26

Mapensho alaakwisa pamapenshonyina aalo maŋwiŋwi abiibi alaakunootungenebo kalongo. Mulaakunoosenga ayi balaluki bamulwiite nshebabona mushili anga nshiloto. Bapailishi balaakucileka kwiisha bantu milawo abalo bamaloba balaakucileka kupanda maano.

Amosi 8:11

Mwaami Lesa Shinkusu shoonse waamba ayi, “Nshiiku shitoosa ndyeshi nkatume nsala mucishi cino. Teshi nsala ya shakulya nabi nyotwa ya maanshi, sombi ninsala yakubula maswi a Mwaami Lesa.

Mika 2:6

Bantu balaŋambila ayi, “Cileke kulaluka, ee, cileke kulaluka pamakani aya. Lesa teshi akatulekelele ayi tusebaane.

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Esekelo 13:9

Ndaakupa mulandu balaluki beshikubona shili anga nshiloto shabubeshi alimwi akulaluka shintu shakucenjeeka. Teshi bakanoobaako bantu bangu na babungana ayi bapange miyeeyo nabi kulembwa pamundando wa meena a bamumushobo wa bene Isilaeli. Teshi bakapilukewo tubili mucishi ca Isilaeli. Lyalo ndyeshi mukeshibe ayi nebo ndi Mwaami Lesa.’