Mika 2:3 - Baibo Busansulushi Bwa Libuku Ili

³ Paceebo ceeco Mwaami Lesa waamba ayi, “Ntooyeeya kumuletela mapensho mwebo nobantu alimwi teshi mukakonshe kulipulusha. Teshi mukanokweendawo cakulisumpula ceebo cilaakuba ciindi ca mapensho.

Mika 2:3 교차 참조

Amosi 5:13

Paceebo ceeco muntu ucite maano uloomunabo muciindi ca mushobo uyo mukwiinga nciindi nca bubi.

Jelemiya 8:3

Lyalo bantu ba mumushobo uyu ubiibi abo beshi bakacaaleewo akunoocishiite mumisena iyo njendakabatandilaamo, balaakusala kufwa kwiinda kunooli boomi. Nebo neMwaami Lesa Shinkusu shoonse ndaamba.”

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Malilo 5:5

Abo batoosa citutandaanya batweensha. Twalema, sombi kookesha ncikumbo.

Malilo 2:17

Mwaami Lesa wakacita kweelana ambwaakapinga. Wakacita kweela amaswi akwe ngwaakashomesha kalekale ayi ulaakwaacita. Wakakoma kwakubula kukunyumfwila nkumbu. Ncakwiila wakaleka balwani kukusamwina mukukukoma. Wakapa nkusu shiinji kubalwani bako.

Bene Efeso 5:16

Muciindi coonse mulyeelete kucita shintu shibotu mukwiinga shino nshiku shabica.

Bene Loma 16:4

abo bakalinga kusuminite akucaikwa ceebo ca ndime. Ntoobalumba abuumbi alimwi teshibo ndime neenka nentoobalumba, sombi ashoonde shoonse sha baswamashi bakunsengwe.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Amosi 2:14

Beshilubilo teshi bakakonshewo kuloboka. Bashinkusu teshi bakasebenseshe nkusu shabo. Ncakwiila abalo bashilumamba bacibwene kulwana teshi bakafunewo buumi bwabo beene.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Malilo 1:14

“Wakabona shibiibi shangu shoonse, akushaangilila pantu pomwi. Ee, kushaangilila pantu pomwi akunkulikisha munshingo. Ncakwiila ndakakopoka ceebo cakulemenwa. Mwaami Lesa wakangaba mumaansa a balwani mbootakoonshi kukoma.

Jelemiya 43:2

Lyalo Asaliya mwanaakwe Oshaya aJoanani mwanaakwe Kaleya abasankwa beshikulisumpula boonse bakaŋambila ayi “Mutoobecabo mwebo! Mwaami Lesa, Lesa wesu taakwe kumutumaawo kwisa mukwaamba ayi, ‘Tutakayi mukwikala mucishi ca Ijipiti.’

Jelemiya 36:23

Ono Jeudi na wabelengabo shipansha shotatwe nabi shone, mwaami wakalinga kushikwamunaako acibeshi ciniini akushisowela mumulilo kushikila cakulembelaawo coonse camana.

Jelemiya 34:17

Paceebo ceeco nebo neMwaami Lesa ntokwaamba ayi, “Mwebo tamukwe kunyumfwila maswi angu pakukaka kwaangulula bakwabanu baEbulu. Aboobo ntoomwaangulula ayi mukafwe kunkondo, mwaalu alimwi akunsala. Ndaakumulengesha kulensha bunya kubwaami boonse bwa pacishi ca panshi.

Jelemiya 27:12

Ndakaambilako aSedekiya mwaami wa bene Juda ayi, “Amusumine bweendeleshi bwa mwaami wa bene Babiloni. Kamumusebensela pantu pomwi abantu bakwe, ingaawo mukabe abuumi.

Isaya 5:19

Balaamba ayi, “Lesa aafwambaane kucita ncaatooyeeya kwaamba ayi tuciboone. Ee, Usalalite wa bene Isilaeli aafwambaane kucita miyeeyo yakwe kwaamba ayi twiishiibe.”

Isaya 3:16

Mwaami Lesa waamba ayi, “Amubone banakashi bene Jelusalemu mbobatoolisumpula. Baleenda cakunonomona nshingo akulasha meenso a nkwela. Baleenda cakunangaila uku kabalisha makosa ayo ngobafwala kumyeendo.

Dutolonomi 28:48

mulaakusebensela balwani abo Mwaami Lesa mbweshi akatume ayi bamulwaane. Mulaakubula cakulya, maanshi alimwi ashakufwala, taaku cintu nabi comwi nceshi mukabaaco. Mwaami Lesa ulaakumupensha abuumbi kushikila akamunyonyoole.

Amosi 3:1

Nobene Isilaeli amunyumfwe bwaamba Mwaami Lesa pali ndimwe, ee, pali ndimwe noonse nobantu mbwaakakusha mucishi ca Ijipiti.

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Isaya 29:20

Sombi ico ciindi batacite nkumbu balaakuloba. Beshikucelebula babyaabo balaakushimingana abamucita shibi bamwi boonse balaakunyonyoolwa.