Mika 1:8 - Baibo Busansulushi Bwa Libuku Ili

⁸ Lyalo nebo neMika ndakaamba ayi, “Paceebo nebo ndaakooloma akulila. Ndaakunooya ceenda myeendobo alimwi matakosha. Ndaakunookooloma anga ngumwaaba, akunoolila anga ngumwiina.

Mika 1:8 교차 참조

Isaya 22:4

Paceebo ceeco ndaamba ayi, “Amundeeke ndile bene misheesu abo boonse bakanyonyoolwa. Mutangumushiiwo napaceyi.”

Jelemiya 9:19

Kwanyumfwika mibila muSiyoni ayi, “Twanyonyoolwa! Tulicite nsoni abuumbi. Tulyeelete kushiya cishi cesu ceebo maanda esu akanyonyoolwa.”

Jelemiya 9:10

Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Jelemiya 4:19

Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.

Isaya 21:3

Paceebo ceeci, shintu nshendakabona akunyumfwa shanenga boowa abuumbi. Mubili wangu waana kukucisa, kucisa kuli anga nkwa mwanakashi utooyanda kutumbuka. Ndatutuma kusheesho nsheenyumfwa. Ncakwiila nsheentoobona shapensha moyo wangu abuumbi.

Isaya 16:9

Aboobo ntoolila bweenka butoolila bantu ba kuJasa, kulila minyansa ya kuSibuma. Ndeelilila ndabala ya Eshiboni aya Eleyale, mukwiinga kusangalala kwa kupya kwa shisepo shanu akwa kutebula kwamanishikwa.

Isaya 13:21

Ulaakubabo matongo umo mweshi mukanookala banyama bamuluyanga abalo bamwiina mweshi bakanooyakilabo shiinswa. Ntibatiba mweshi shikanookalabo ampongo sha muluundu mweshi shikanootangalila.

Kulumbaisha 102:6

Ndababo anga ndikubi lya muluyanga, Ncakwiila ndababo anga ngumwiina wa mumatongo.

Jobo 30:29

Ndababo mbuli mwaaba ubwabo eenka nabi mbuli mwiina ulilililabo mwine eenka.

1 Samwelo 19:24

Mpomunyaawo wakacipa shakufwala shakwe akulaluka pameenso akwe Samwelo. Wakoona matakosha malumwi oonse kunungaako amashiku. Mboboobo mbowaakatalika mwaambo wakwaamba ayi, “Sa Saulo alakwe waba mulaluki?”

Isaya 13:22

Mushiyubilo shakwe sha mabwe mulaakunoolilabo basuntwe abalo baumpe mbweshi bakanookalabo mumaandaakwe abotu abwaami. Ciindi cakunyonyoolwa kwa Babiloni cashikila, ashalo nshiku isho tashicibete kulaale.”

Isaya 32:11

Amututume mwebo nobanakashi nomushiite buumi bubotu, Amulisukame mwebo nobalutundu nomutacite cakulisukama! Amufuule shakufwala shanu shibotu, amufwale masaka mumakome kutondesha buumba.

Esekelo 32:18

“Webo omuntu, lilila bantu baanji baanji ba cishi ca Ijipiti. Tuma bantu abo kumusena wa bafu. Ubatuume pantu pomwi abantu abo beshinkusu ba mumishobo imwi.

Mika 2:4

Pabushiku ubo bantu balaakumuseka. Balaakumupensha alwiimbo ulu lwabuumba lwakwaamba ayi, ‘Twanyonyoolwa cakumaninina. Mwaami Lesa watunyaya cishi ncaakatupa akucipa kubaabo bakatutola busha.’ ”

2 Baami 18:13

Mumwaaka walikumi amyaaka yone wa bwaami bwakwe Esekiya, Senakelibu mwaami wa bene Asilya, wakaya mukulwana mandabala anene akalinga kucite malinga a bene Juda akwaakoma.

Esita 4:1

Ono Modekayi ndyaakanyumfwa shoonse shakacitwa, wakakwamoona shakufwala shakwe ceebo ca buumba, wafwala masaka, wanana milota akwiinda mundabala ya Susa kaalila cakooloma alimwi cakucisa moyo abuumbi.