Mika 1:6 - Baibo Busansulushi Bwa Libuku Ili

⁶ Paceebo ceeco Mwaami Lesa wakaamba ayi, “Samaliya iyo ndaakwiisandula kuba matongo, musena wakulimaamo minyansa. Mabwe a njiyo ndaakwaasowela mucinyika. Lwiimbi lwa njiyo lulaakucaalabo patuba.

Mika 1:6 교차 참조

Esekelo 13:14

Ndaakumwaya lubumbu ulo ndomwakashingula abulongo butuba. Ndaakulupalanganya cakwaamba ayi alwiimbi lulaakucaalabo patuba. Na lukawe, amwebo mulaakunyonyoolwa andulo. Lyalo ndyeshi mukeshibe ayi nebo ndi Mwaami Lesa.’

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Malilo 4:1

Ino golodi wabica buyani? Golodi wiine wiine wacileka buyani kubekabeka? Mabwe amakwebo a Ŋanda yakwe Lesa apalanganina mumikwakwa ya ndabala yoonse.

2 Baami 19:25

“ ‘Sa tookwe kunyumfwaawo? Sa tooshi ayi ici ndakacibambabo kale kale? Ncakwiila ici ndakalengesha ayi cicitike. Ndakakupa nkusu shakunyonyoola mandabala acite malinga kuba matongo.

Mateyo 24:2

Sombi Jesu wakabakumbula ayi, “Te mwashibona shoonse ishi? Ntoomulwiita calushinisho ayi taaku libwe nabi lyomwi lyeshi likacaale palibwenyina, oonse alaakumwayululwa.”

Abakuku 3:13

Mwakesa mukufuna bantu banu, ee, akupulusha baabo mbomwakasala. Mwakapwayoola mutanjilili wa bamucita shibi akunyonyoola bantu bakwe boonse.

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Osiya 13:16

Cishi ca Samaliya cilyeelete kupekwa mulandu ceebo cakwaashukila ndime neLesa wabo. Bantu ba ncico balaakufwita munkondo. Bakateta balaakupwaikwa panshi banakashi beshi bakanoomitite balaakupasulwa mafumo.”

Jelemiya 51:37

Cishi ca Babiloni cilaakuba matongo umo mweshi mukanookalabo bamwaaba. Cilaakuba cintu ceelete kuloondwa akusekwa. Taaku muntu nabi womwi weshi akekaleemo.

Jelemiya 51:25

Webo Babiloni uli anga nkalundu kanyonyoola cishi ca panshi coonse, sombi nebo neMwaami Lesa ndi mulwani wako. Ndaakutandabika lyaansa lyangu kukulwana. Ndaakukumwayoola cakukushishabo apanshi peene akukushiya kooli kalundu kashukutite.

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Isaya 25:12

Ulaakunyonyoola malinga a bene Moabu alaamfu mukwaapwayoola tibili apanshi. Ncakwiila kwaanyonyoola kushikila akabebo lusuko.

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

2 Samwelo 17:13

Ono na wacicila mundabala inene imwi, swebo soonse inga twabwesa ntambo akwiikwelela mucinyika. Lyalo taaku nabi libwe lyeshi likacaaleeko kalicatite.”

Isaya 17:1

Aya ngamaswi aamba pandabala ya Damasikasi. Mwaami Lesa waamba ayi, “Damasikasi teshi inoocili ndabala inene, sobwe. Bulya ilaakubabo mulwi wa sheesho sha kanyonyoolwa.

Jelemiya 31:5

Mulaakushanga alimwi myuunda ya minyansa patulundu twa Samaliya. Balimi balaakwiishanga akulya shisepo sha njiyo.

2 Baami 18:9

Mumwaaka wane wa bwaami bwakwe Esekiya, mumwaaka wasanu amyaaka yobilo wa bwaami bwakwe Osheya mwanaakwe Ela, mwaami wa bene Isilaeli, Shalimanesa mwaami wa bene Asilya wakaya mukulwana cishi ca Isilaeli akushinguluka ndabala ya Samaliya.

2 Baami 18:10

Mumwaaka watatu wa nkondo, Samaliya wakakomwa. Ici cakacitika mumwaaka wasanu awomwi mubwaami bwakwe Esekiya, mumwaaka wasanu ayone wa bwaami bwakwe Osheya mwaami wa bene Isilaeli.

Amosi 6:8

Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”