Mateyo 8:6 - Baibo Busansulushi Bwa Libuku Ili

⁶ “Nkambo, musebenshi wangu uliletebo kuŋanda ngumulwashi abuumbi alimwi taacite ankusu shakweenda.”

Mateyo 8:6 교차 참조

Bene Kolose 4:1

Nomucite basha, amucite shiluleme asheelete kubasha banu, mukwiinga mulishi kwaamba ayi amwebo mulicite Mwaami kwiculu.

Mateyo 4:24

Aboobo impuwo yakushilika kwakwe yakanyumfwika mucishi coonse ca Silya. Mpeeke bantu bakatalika kutola balwashi baanji kuli nguwe abo bakalinga kuciswa cankusu, bakalinga kucite bashikaswa, beshitushita alimwi abayuminite mibili. Alakwe Jesu wakabashilika boonse.

Bene Kolose 3:11

Mubuumi bupya ubu taaku bupusano buliiwo pakati ka baJuda abaswamashi bakunsengwe, bakapalulwa abatana kupalulwa, batacite lushibo, beshinkondo baloondesha, pakati ka basha abaangulukite, sombi cinene nguKlistu mukwiinga lakwe nsheshoonse alimwi uli muboonse.

Milimo ya Batumwi 9:33

Nkomunya uko, wakacanako musankwa umwi wiitwa ayi Enisi uyo wakalinga kuyuminite mubili, aboobo taakalinga kucikonsha kuswa pabulo myaaka yosanwe ayotatwe.

Filimoni 1:16

Ono bulya taabetebo musha, sombi uleenda pamusha, ngumukwanu usunikwi muli Klistu. Nebo ndimusuni abuumbi, sombi kuli ndiwe ulaakwiindaawo mukwiinga ngumusha wako alimwi ngumukwanu muMwaami Jesu.

1 Timoti 6:2

Basha bacite bamaami babo bashomi, tabeelete kutanoobapa bulemu ayi mukwiinga mbashominyinaabo, sobwe. Sombi balyeelete kubasebensela kabotu abuumbi ceebo abo bacana mpindu mumilimo yabo mbashominyinaabo basunikwi. Ulyeelete kwiisha akushimikila shintu ishi.

Milimo ya Batumwi 10:7

Munjelo uyo ndyaakaswaawo, Konelyasi wakeeta basebenshi bakwe bobilo alimwi ashilumamba womwi. Shilumamba uyu wakalinga womwi wa mulikoto lya beshikumucafwa mwiine alimwi wakalinga muntu wakalinga kulambila Lesa lyoonse.

Milimo ya Batumwi 8:7

Wakakusha bashikaswa baanji mubantu, kabooloma pakubakusha alimwi bayuminite mibili abalema myeendo bakaba kabotu.

Mateyo 9:2

Mpeeke bantu bamwi bakatola musankwa wakalinga kuyuminite mubili kuli nguwe, kaalete pamacila. Jesu ndyaakabona lushomo lwabo, wakaambila wakalinga kuyuminite mubili ayi, “Kalika moyo ndaba, shibiibi shako shalekelelwa.”

Mateyo 8:7

Lyalo Jesu wakamwaambila ayi, “Ntoosa mukumushilika.”