7 “Amusenge mulaakupekwa, amulangoole mulaakucana alimwi mukonkoonshe mulaakucalwitwa.
Na mulashoma, mulaakutambula cili coonse nceshi mukasenge kuli Lesa kwiinda mumipailo.”
Alimwi Lesa ulatupa cili coonse nceenga twamusenga ceebo tulakonkela milawo yakwe akucita shimukondelesha.
Na mwakalilila muli ndime aalo maswi angu akalilila muli ndimwe, inga mwaseenga cili coonse ncemusuni, mulaakupekwa.
Paceebo ceeco, ntoomulwiita calushinisho ayi, cintu cili coonse nceenga mwaseenga Lesa kwiinda mumipailo, kamushoma kwaamba ayi mwacitambula kale, lyalo mulaakucitambula cancinencine.
“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.
Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.
Ceebo uyo woonse usenga ulapekwa, awooyo ulangoola ulacana alakwe ukonkoonsha ulacalwitwa.
Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.
Taaku muntu weenga wakondelesha Lesa kaatacite lushomo. Mukwiinga uyo woonse usuni kusena kuli Lesa ulyeelete kushoma ayi Lesa mpwaali alimwi ayi ulapa shilambu kubantu abo bamuyandoola.
Nebo nebusongo ndisuni bantu abo bansuni. Abo boonse banyandoola cankusu, balancana.
Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.
Jesu wakakumbula ayi, “Newalinga kwishi cipo Lesa ncaapa akwishiba wooyo utookusenga maanshi, naakwiinga wamusenga maanshi apa buumi alakwe naakwiinga wakupa.”
“Ntoomulwiita alimwi ayi na bobilo pakati kanu pacishi ca panshi basuminishanya pacintu ncebatoosenga, baTa bali kwiculu balaakubacitila.
Mwaami Lesa waamba kubene Isilaeli ayi, “Amunangoole, lyalo mulaakuba abuumi.
Na bapaila calushomo, mulwashi ulaba kabotu. Mwaami wesu inga wamulengesha kuba kabotu alimwi shibiibi shoonse nshaakacita shilalekelelwa.
Mwebo mwakaamba ayi, “Kamunambila.” Nebo ndakaamba ayi, “Ndanoomulambila noBaami baLesa,
Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.
Ono na mwebo, nobantu nobashishibi kamwishi kupa bana banu shintu shibotu, ino lakwe Ishiwanu wa kwiculu inga waalilwa buyani kupa baabo bamusenga?
Lyalo mwaakunjita muciindi ca mapensho ndaakumupulusha, aboobo mulaakunumbaisha.”
Lyalo ndakayeeya kubuka kuya ceendaana mundabala. Ndakeendaana mumikwakwa amunshila shimwi shoonse kuya ciyandoola usunikwi wangu. Ndakamuyandoola, sombi nshikwe kumucana.
Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.
Amulumbaishikwe noBaami baLesa. Amunjiishe milasho yanu.
NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.
Sombi abo balambila ndimwe abasangalale akukondwa muli ndimwe. Boonse abo balila lupulusho lwanu kabaamba lyoonse ayi, “Mwaami Lesa ncakwiila ulicite nkusu shiindaawo.”
Baakubona bobulya abo balyatililwa, balaakusangalala. Abalo abo balambila Lesa, balaakuyuminishikwa.
Bushiku ubo Mwaami Lesa wakaboneka kuli nguwe muciloto akumwiipusha ayi, “Nciinshi ncoosuni ayi nkupe?”
Bamucita shibi tababikiiko amaano kuMwaami Lesa ceebo cakulisumpula. Mukuyeeya kwabo balabona Mwaami Lesa ayi taacite ncito kuli mbabo.
Taaku muntu unyumfwisha shiluleme, nabi uyandoola Lesa.
Mpomunyaawo mwine ŋanda ulaakunyamuka akucalaako kumulyango. Lyalo mulaakwiimikana akutalika kukonkoonsha akwaamba ayi, ‘Amutucalwiteeko nkambo!’ Sombi lakwe ulaakumukumbula ayi, ‘Nshishi ankomwaswita!’
Ndakapaila kuMwaami Lesa, alakwe wakankumbula. Boowa boonse mbondakalinga kucite wakabumana.
Kosangalala muMwaami Lesa, lakwe ulaakukupa nshoolila mumoyo.
Mwebo nobantu ba muSiyoni, ee, mwebo nomwikala muJelusalemu, teshi mukalilewo tubili sobwe. Mwaami Lesa ulaakumunyumfwila luse bushiku mbweshi mukamulilile ayi amucaafwe. Ncakwiila aakunyumfwabo kusenga kwanu, ulaakumukumbula.
Pabushiku ubo basebenshi bakesa balwiita Isaki shamukalo ngobakakaba. Bakaamba ayi, “Twaacana maanshi.”
