24 “Aboobo uyo woonse unyumfwa maswi angu aya akwaacita, uli anga ngumuntu ucite maano wakayakila ŋanda yakwe palibwe.
Ono bulya mbomweshiba shintu ishi, mulaakuba acoolwe na mukashiciite.
Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”
Na tulakonkela milawo yakwe Lesa, anu inga tweshiba kwaamba ayi tulimwishi.
Kuloonda Mwaami Lesa ngomatalikilo a busongo. Boonse abo bakonkela milasho yakwe mbobacite lushibo lwiine lwiine. Aalumbaishikwe lyoonse alyoonse.
Moyo wa musongo ulanyumfwila milawo, sombi uyo waamba shabuluya, ulaakunyonyoolwa.
“Na mulinsuni, munanoolama milawo yangu.
Na kamukonkela kwiisha kwangu, nkokwaamba ayi muli babyaanji.
“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”
Na mulakonkela milawo yangu, mulaakukalilila mulusuno lwangu, bweenka mbuli mboonkonkela milawo ya baTa akukalilila mulusuno lwabo.
Mukwiinga uyo woonse ucita buyanda baTa bali kwiculu ngunandumi yangu, ngunankashi yangu alimwi mbobama.”
Ndicite maano akunyumfwa kwiinda bamafundishi bangu boonse, ceebo ndayeeyabo pakwiisha kwanu.
Kupandulula maswi anu kulapa mumuni, kulapa busongo kuli baabo batabucite.
Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.
Cipuupu ndicisa cilatolelesha abamucita shibi, sombi baluleme balacaala mobakeemikanina.
Bamucita shibi balanyonyoolwa cakubula kushiya bamulunyungu lwabo, sombi bamuŋanda ya muntu ululeme balaba abuumi.
Ono mfula ndiyakaloka, milonga yakesula kwiindilila alimwi amuuwo wakapuupila kuŋanda iyo, sombi taikwe kuwa mukwiinga yakalinga kuyakitwe palibwe.
“Sombi uyo woonse unyumfwa maswi angu aya akutaakonkela, uli anga ngumuntu muluya wakayakila ŋanda yakwe pamuseese.
Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.
“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.
Pabamyooye aba, bosanwe bakalinga baluya, sombi bamwi bosanwe bakalinga kucenjete.
Sombi bacenjete bakayumuna mafuta amwi mumisaashi.
Bacenjete bakakumbula ayi, ‘Tau, inga aceya na twabaana. Anu mwebo kamuyabo kubeshikuulisha mukoole aanu mafuta.’
Ceebo bantu tabalulamikwi pameenso akwe Lesa kwiinda mukunyumfwabo Milawo, sombi kwiinda mukucita bwaamba Milawo.
