Mateyo 7:11 - Baibo Busansulushi Bwa Libuku Ili

¹¹ Ono na mwebo, nobantu nobashishibi kamwishi kupa bana banu shintu shibotu, ino lakwe Ishiwanu wa kwiculu inga waalilwa buyani kupa baabo bamusenga?

Mateyo 7:11 교차 참조

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Isaya 49:15

Paceebo ceeco Mwaami Lesa wakumbula ayi, “Sa mushali mwanakashi inga waluba mwaana ngwaayamwisha? Sa inga wabula nkumbu kumwaana ngwaakashala mwiine? Ono nabi lakwe inga wamuluba, nebo teshi nkamulubeewo, napaceyi!

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

1 Joni 3:1

Amubone lusuno lwa Bamashali besu bakulukulu mbolubete kukomena pali ndiswe! Cakutubanda ayi tuli bana bakwe Lesa! Ncakwiila tuli bana bakwe. Bantu ba mucishi ca panshi tabatwishi ceebo Lesa tebakalinga kumwishi.

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Kulumbaisha 85:12

Mwaami Lesa ulaakutupa shintu shibotu. Ncakwiila cishi cesu cilaakucata shishango shiinji.

Bene Loma 3:19

Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.

Bene Galatiya 3:22

Sombi Malembo akwe Lesa alaamba ayi bantu boonse bali munkusu sha bubi, kwaamba ayi uyo woonse ushoma muli Jesu Klistu akatambule cipo ico Lesa ncaakashomesha.

Bene Loma 3:9

Ono nkokwaamba ayi sa swebo sobaJuda kuli mpotwiindilawo baswamashi bakunsengwe pameenso akwe Lesa? Taapuuwo, mukwiinga ndasansulula kale kwaamba ayi baJuda abaswamashi bakunsengwe boonse mbamucita shibi.

Jelemiya 33:14

Mwaami Lesa waamba ayi, “Ciindi cilaakushika ndyeshi nkacite kweelana ambondakashomesha bene Isilaeli abene Juda.

2 Samwelo 7:19

Ono noBaami baLesa Beshinkusu shoonse, pasheeshi shoonse mweelikaawo akushomesha shabamulunyungu lwangu nemusebenshi wanu kuciindi citoosa. NoBaami baLesa Beshinkusu shoonse, sa mbweenga mwacitila muntu uli woonse bulya?

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Jobo 15:16

ino mbuyani kumuntu ulensha nsoni alimwi shikubisha? Ndushinisho kumuntu kubisha kulibo anga nkunwa maanshi!

Isaya 63:7

Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.

Mateyo 7:10

Nabi weenga wamupa nsoka na wasenga nswi?

Mateyo 23:9

Muteeti muntu pano pacishi ca panshi ayi, ‘Ta’ ceebo mulicitebo Ishiwanu womwi uyo uli kwiculu.