Mateyo 6:5 - Baibo Busansulushi Bwa Libuku Ili

⁵ “Ono pakupaila kuli Lesa, tamweelete kuba mbuli bantu baamba nshebataciti ceebo balo balisuni kwiimikana akupaila mushoonde shabo alimwi amupetukila nshila ayi bababoone. Ntoomwaambila calushinisho ayi abo balo batambula kale shilambu shabo.

Mateyo 6:5 교차 참조

Mateyo 6:2

“Paceebo ceeco, pakupa shintu kubantu bapengete, mutoolobeshi kubantu boonse mushoonde amunshila, mbuli bucita bantu baamba nshebataciti, ayi babaluumbe. Ntoomwaambila calushinisho ayi abo balo batambula kale cilambu cabo.

Luka 18:13

“Sombi musonkeshi uyo wakanyamuka alakwe weemikana palaale. Taakwe kulangaawo akwiculu pakupaila, sombi wakalikumbata akwaamba ayi, ‘NobaLesa, amunyumfwileko nkumbu nebo nemucita shibi!’

Maako 11:25

Lyoonse ndimwiimikana ayi mupaile, kamulekelela boonse abo bamucitile milandu kwaamba ayi alakwe Ishiwanu uli kwiculu amulekelele shibiibi shanu. [

Jelemiya 29:12

Lyalo mulaakunjita akupaila kuli ndime, anebo ndaakumunyumfwa.

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Luka 20:47

Aba bantu mbobabwesa buboni bwa bamukalubinje banakashi akubeca kupaila mipailo ilaamfulaamfu kwaamba ayi bantu bababoone. Aba bantu ncakwiila Lesa ulaakuboombolosha cankusu.”

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

Luka 18:1

Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Bene Efeso 6:18

Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

Luka 11:43

“Mapensho kuli ndimwe nobaFalisi! Mukwiinga mulasala shuuna sha bulemu mushoonde sha baJuda akuyanda kwaanshikwa cabulemu mumisena yakuulishisha.

Mateyo 21:22

Na mulashoma, mulaakutambula cili coonse nceshi mukasenge kuli Lesa kwiinda mumipailo.”

Kulumbaisha 55:17

Macolesha, macuunsa amalumwi eene, ndoolobesha kuli nguwe mubuumba bwangu, alakwe ulanyumfwa liswi lyangu.

Kulumbaisha 5:2

Amunyumfwe kulila kwangu nobaLesa bangu, noBaami bangu, mukwiinga ndapaila kuli ndimwe.

1 Bene Tesalonika 5:17

Amupaile kuli Lesa lyoonse.

Joni 16:24

Kushikila asunu, tamuna kusengaawo kale muliina lyangu. Ono kamusenga, munanootambula kwaamba ayi musangalale cancinencine.

Maako 12:38

Pakubeeisha Jesu wakaamba ayi, “Amucenjele abafundishi ba Milawo abo basuni kuya bweendaana kabafwete mingaanjo alimwi akwaanshikwa cabulemu mumishika.

Mateyo 9:38

Aboobo amusenge Mwine muunda kwaamba ayi atume abamwi basebenshi beshikutebula.”

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Tushimpi 16:5

Mwaami Lesa ulipatite bantu boonse balisumpula, Anu amwishibe ayi teshi akabalangilishebo cakutabapa mulandu.

Mateyo 23:6

Balisuni kwikala mumisena ya bulemu mumibala, akwikala pashuuna shibotu mushoonde shabo.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Mateyo 6:16

“Ono ciindi ncemulikasha kulya, mutanokuungumana, bucita bantu baamba nshebataciti. Mukwiinga balo balalyuungumika pameenso ayi bantu boonse babone ayi batoolikasha kulya. Ntoomulwiita calushinisho ayi balo abo batambula kale shilambu shabo.

Mateyo 6:1

“Amucenjele ayi mutaciti milimo yanu iluleme kubantu ayi bamuluumbe ceebo na mwacita boobo, teshi mukatambule cilambu kuswa kuli Ishiwanu uli kwiculu.

Mateyo 23:5

Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.

Luka 6:24

“Sombi mapensho kuli ndimwe nobabile mukwiinga mwebo mwatambula kale cilambu canu!