Mateyo 6:2 - Baibo Busansulushi Bwa Libuku Ili

² “Paceebo ceeco, pakupa shintu kubantu bapengete, mutoolobeshi kubantu boonse mushoonde amunshila, mbuli bucita bantu baamba nshebataciti, ayi babaluumbe. Ntoomwaambila calushinisho ayi abo balo batambula kale cilambu cabo.

Mateyo 6:2 교차 참조

Mateyo 6:5

“Ono pakupaila kuli Lesa, tamweelete kuba mbuli bantu baamba nshebataciti ceebo balo balisuni kwiimikana akupaila mushoonde shabo alimwi amupetukila nshila ayi bababoone. Ntoomwaambila calushinisho ayi abo balo batambula kale shilambu shabo.

Mateyo 6:16

“Ono ciindi ncemulikasha kulya, mutanokuungumana, bucita bantu baamba nshebataciti. Mukwiinga balo balalyuungumika pameenso ayi bantu boonse babone ayi batoolikasha kulya. Ntoomulwiita calushinisho ayi balo abo batambula kale shilambu shabo.

Joni 5:41

“Nebo nshisuni kulumbaishikwa kubantu.

Bene Ebulu 13:16

Mutaluubi kucita shibotu alimwi akucafwana ceebo iyi njemilambu isangalasha Lesa.

Luka 20:46

“Amucenjele abafundishi ba Milawo abo basuni kuya bweendaana kabafwete mingaanjo akwaanshikwa cabulemu mumishika. Balisuni kwikala pashuuna shibotu mushoonde shabo amisena ya bulemu mumibala.

Joni 7:18

Muntu waambabo shaakwe ulisuni kulemekwa mwiine. Sombi uyo usuni kwaamba ayi uyo wakamutuma alemekwe, ngooshomeka alimwi taamu bubeshi muli nguwe.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

Kulumbaisha 37:21

Bamucita shibi balakongola akwaalilwa kuboosha, sombi bantu kabotu balaaba shintu kumoyo kakutuba.

Bene Efeso 4:28

Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.

Bene Galatiya 2:10

Ncebakasengabo ncakwaamba ayi tutakacileeki kucafwa bakandu mulikoto lyabo. Anebo nceceeco ncendakalinga kusunishi bunene kucita.

Milimo ya Batumwi 10:4

Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula.

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

1 Timoti 6:18

Ubaambile ayi banoocita shibotu, kwaamba ayi babile mumicito ibotu. Balyeelete kuba bantu bapa camaansa obilo alimwi balibambite kupa bamwi shintu.

Bene Loma 12:8

Na nkuyumya bashominyineesu, tulyeelete kucita bweenka ubo. Uyo woonse uteemi, ulyeelete kwaaba amoyo womwi. Na uli mutanjilili, ulyeelete kutanjilila cankusu alimwi na uli shinkumbu, ulyeelete kunyumfwila nkumbu cakusangalala.

Milimo ya Batumwi 24:17

“Ceebo peenda myaaka iinji ndindakaswa kuJelusalemu, ndakayaako mukutola shipo sha maali kubaJudama bamwi bakandu, alimwi akupa shipo shimwi kuli Lesa.

Milimo ya Batumwi 10:31

Wakaamba ayi, ‘Konelyasi, Lesa wanyumfwa mipailo yako alimwi akuyeeya lucafwo lwako kubantu bapenshi.

Milimo ya Batumwi 10:2

Musankwa uyu alimwi abamuŋanda yakwe boonse bakalinga kulyaaba kuli Lesa akumulambila camoyo woonse. Alimwi wakalinga kucafwa bumbi baJuda bakandu akupaila kuli Lesa ciindi coonse.

Milimo ya Batumwi 9:36

Mundabala ya Jopa mwakalinga kwikala mwanakashi wakalinga kushoma muli Jesu wiitwa ayi Tabita (muciGiliki liina lyakwe nguDokasi nkokwaamba ayi nalufwi). Mwanakashi uyu wakalinga kucita milimo ibotu lyoonse akunoocafwa bakandu.

Joni 13:29

Ono ceebo cakwaamba ayi Judasi ngowakalinga kulama nkomwe ya maali, bashikwiiya bamwi bakayeeya ayi mpashi Jesu wamutuma mukuula shakulya shiyandika pabushiku bwa Pasika, nabi mukupa bakandu.

Joni 5:44

Ino ono inga mwashoma buyani na mulisunibo kulilumbaisha nobeene, sombi kamutasuni ayi mulumbaishikwe kuli Lesa womwibo eenka?

Luka 6:42

Inga waambila buyani mukwanu ayi, ‘Mukwabo, tubone nkukusheko kapampaansha muliinso,’ na muliinso lyako omwiine kamuli cisamu? Webo omuntu nowaamba nshootaciti, taanguna kusha cisamu cili muliinso lyako, ndyeshi ubone kabotu akukusha kapampaansha kali muliinso lya mukwanu.

Maako 12:39

Balisuni akwikala pashuuna shibotu mushoonde shabo amumisena ya bulemu mumibala.

Tushimpi 20:6

Baanji bantu balalyaamba kushomeka, ono ngani weenga wacana ushomeka calushinisho?

Tushimpi 19:17

Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Kulumbaisha 112:9

Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.

Filimoni 1:7

Mukwaabo, lusuno lwako lwansangalasha alimwi akunjuminisha ceebo wasangalasha myoyo ya bashomi boonse.

1 Bene Tesalonika 2:6

Tatukwe kuyanda ayi muntu uli woonse atulumbaishe, mwebo nabi bamwi.

Milimo ya Batumwi 11:29

Ono bashomi bakayeeya kwaamba ayi womwi awomwi atume lucafwo kubashominyinaabo bakalinga kwikala kuJudeya kweelana ambwaakalinga kukonsha.

Luka 13:15

Lyalo Mwaami Jesu wakamukumbula ayi, “Mwebo nobantu nomwaamba nshemutaciti! Ngani mulikoto weenga taacalwiti musune nabi mbongolo yakwe mucimpati akwiitola mukunwa maanshi pabushiku bwakookesha bwa Cibelu?

Luka 12:56

Mwebo nobantu nomwaamba nshemutaciti! Mulishi kusansulula mbociboneka cishi akwiculu. Ono cilaala buyani kwishiba shitoocitika munshiku shino?

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Luka 11:43

“Mapensho kuli ndimwe nobaFalisi! Mukwiinga mulasala shuuna sha bulemu mushoonde sha baJuda akuyanda kwaanshikwa cabulemu mumisena yakuulishisha.

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

Luka 6:24

“Sombi mapensho kuli ndimwe nobabile mukwiinga mwebo mwatambula kale cilambu canu!

Maako 7:6

Jesu wakabakumbula ayi, “Anu Isaya wakaamba kabotu ndyaakalaluka shapali ndimwe, mwebo nobantu nomwaamba nshemutaciti, kweelana ambokulembetwe ayi, ‘Aba bantu balandemekabo pamulomo, sombi myoyo yabo ili kulaale anebo.

Mateyo 24:51

Ulaakumupa mulandu akumuwaala kooko nkweshi kukanooli bantu baamba nshebataciti alimwi nkweshi bakanoolila akulumanya meeno.”

Mateyo 23:6

Balisuni kwikala mumisena ya bulemu mumibala, akwikala pashuuna shibotu mushoonde shabo.

Mateyo 22:18

Sombi Jesu wakeshiba ayi batokwiipusha cakubeca. Lyalo wakabaambila ayi, “Mwebo nobantu nomwaamba nshemutaciti! Ino mutoonsunkilanshi?

Mateyo 16:3

Alyalo macuunsa mulaamba ayi, ‘Sunu mfula itooloka mukwiinga kuli makumbi ashiya.’ Mulishi kusansulula mbokuboneka kwiculu, sombi mulaalilwa kusansulula shitondesho sha shintu isho shitoocitika.

Mateyo 15:7

Mwebo nobantu nomwaamba nshemutaciti! Anu Isaya wakaamba kabotu ndyaakalaluka shapali ndimwe ayi,

Isaya 58:7

Sa teshi kwakwaabila beshinsala shakulya shanu akupa maanda bantu baya ciingookabo ceebo cakwaabula? Sa teshi kwakucita na mwaboona uli mubusakula mwamupa shakufwala alimwi akutakaka kucafwa bene mishaanu?

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Shikushimikila 11:2

Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.

1 Samwelo 15:30

Saulo wakakumbula ayi, “Ee, ndakabisha. Ono ndaseenga mumpeeko bulemu pameenso a bamaloba ba bantu bangu alimwi apameenso a bene Isilaeli boonse. Amuboolele anebo kwaamba ayi nkalambile Mwaami Lesa, Lesa wanu.”

Mateyo 7:5

Webo omuntu nowaamba nshootaciti, taanguna kusha cisamu cili muliinso lyako, ndyeshi ubone kabotu akukusha kapampaansha kali muliinso lya mubyo.

Mateyo 5:18

Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.

Isaya 10:6

Asilya, ndiwe ndakatuma kuya mukulwana mushobo utalemeki ndime neLesa, mushobo uyo wakankalasha. Ndiwe ndakatuma kuya mukusaala buboni bwabo akubalyatoola anga ngamatombe mumikwakwa.”

Mateyo 6:3

Sombi mwebo pakupa shankumbu, lyaansa lyanu lyacipiko liteshibi citoocita lyaansa lyalulyo,

Mateyo 23:5

Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.

1 Bene Kolinto 13:3

Inga ndaaba shintu shangu shoonse kubakandu, mpashi akusumina ayi mubili wangu utentwe, ono na kaantacite lusuno, ingayi taaku ncindacita.