Mateyo 6:10 - Baibo Busansulushi Bwa Libuku Ili

¹⁰ Abwise Bweene bwanu, kuyanda kwanu akucitwe panshi pano bweenka mbuli kwiculu.

Mateyo 6:10 교차 참조

Bene Ebulu 10:36

Mulyeelete kukalika myoyo kwaamba ayi mucite kuyanda kwakwe Lesa alimwi akwaamba ayi mukatambule sheesho nshaakashomesha.

Joni 4:34

Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Mateyo 26:42

Jesu wakaboolela mukupaila alimwi ayi, “Ta, na nkomeshi ya mapensho iyi inga tainyindilili kaantana kunwa, anu kuyanda kwanu akucitike.”

Mateyo 12:50

Mukwiinga uyo woonse ucita buyanda baTa bali kwiculu ngunandumi yangu, ngunankashi yangu alimwi mbobama.”

1 Bene Tesalonika 5:18

Kamulumba Lesa mushintu shoonse. Ici ncaasuni Lesa kwaamba ayi mucite kweelana ambomuli muli Klistu Jesu.

Bene Loma 12:2

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

Joni 6:40

Mukwiinga baTa ncebasuni nkwaamba ayi uyo woonse wabona Mwaana akumushoma, abe abuumi butamaani alimwi ndaakumubusha kuswa kubafu pabushiku bwakweelaako.”

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Bene Efeso 6:6

Mutanoocitabo boobo na kabamubwene kwaamba ayi bamuluumbe. Sombi mukwiinga muli basebenshi bakwe Klistu, mulyeelete kucita sheesho Lesa nshaasuni ankusu shanu shoonse.

Kulumbaisha 40:8

NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”

Mateyo 7:21

“Teshi kwaamba ayi boonse banjita ayi, ‘Nkambo, Nkambo’ balaakwinjila muBweene bwa kwiculu, sombibo wooyo ucita kuyanda kwa baTa bali kwiculu.

1 Pita 2:15

Mukwiinga nkuyanda kwakwe Lesa ayi kwiinda mukucita shiluleme muumushe kwaamba kwa baluya kwakubula lushibo.

Bene Ebulu 13:21

Lesa uyo amupe shibotu shoonse shiyandika kwaamba ayi mucite kuyanda kwakwe alimwi ayi kwiinda muli Jesu Klistu, acite shimukondelesha muli ndiswe. Kuli Klistu akube bulemu lyoonse alyoonse! Ameni.

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Luka 22:42

“Ta, na mulisuni, amukushe nkomeshi ya mapensho iyi pali ndime, nakubi boobo mutaciti kweelana akuyanda kwangu, sombi amucite kuyanda kwanu.” [

Joni 7:17

Aboobo uyo woonse usuni kucita buyanda Lesa, ulaakwishiba na kwiisha kwangu uku kulaswa kuli Lesa nabi kuli ndime nemwiine.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!

1 Bene Tesalonika 4:3

Lesa ncaasuni ncakwaamba ayi mube abuumi busalalite, nkokwaamba ayi mulyeelete kusoonoka kubufuule bwa mushobo uli woonse.

Milimo ya Batumwi 21:14

Nditwakabona ayi twaalilwa, twakamulekabo akwaamba ayi, “Kuyanda kwakwe Lesa akucitike.”

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Milimo ya Batumwi 13:22

Lesa ndyaakakusha Saulo pabwaami, wakasala Defedi ayi abe mwaami wabo. Ngaaya maswi ngaakaamba pali Defedi, ‘Ndacana kwaamba ayi Defedi mwanaakwe Jese ngomuntu ngoonsuni abuumbi, alimwi ulaakucita shintu shoonse nshensuni.’

Mateyo 4:17

Kuswawaawo Jesu wakatalika kushimikila, kaamba ayi, “Amusanduke kuswa kushibiibi shanu mukwiinga Bweene bwakwe Lesa buli pafwaafwi!”

Ciyubululo 12:10

Kuswawaawo ndakanyumfwa liswi lyakoolobeshekwa kuswa kwiculu ayi, “Ono Lesa watupulusha! Wabonesha nkusu shakwe ayi nguMwaami. Usalitwe wakwe wabonesha nkusu shakwe. Mukwiinga uyo wakalinga kubekesha bashominyineesu malumwi amashiku kuli Lesa wesu wawaalwa panshi.

1 Pita 4:2

Paceebo ceeco, mubuumi bwanu bwa mucishi ca panshi tamweelete kukonkela shiyanda mibili yanu, sombi shiyanda Lesa.

Bene Ebulu 10:7

Mpomunyaawo ndakaamba ayi, ‘Mpoondi nebo, kwaamba ayi ncite kuyanda kwako, OLesa, bweenka mbuli maswi mbwaamba pali ndime mulibuku lya Milawo.’ ”

Luka 19:38

Bakaamba ayi, “Lesa aape coolwe kuMwaami uyo utoosa muliina lyakwe! Akube luumuno kwiculu abulemu kuli Lesa!”

Maako 3:35

Mukwiinga uyo woonse ucita buyanda Lesa ngunandumi yangu, ngunankashi yangu alimwi mbobama.”

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Maako 11:10

Lesa aape coolwe buleelo bwakwe ishiwesu Defedi ubo butoosa! Aalumbaishikwe Lesa kwiculu lya maculu!”

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Bene Kolose 1:13

Wakatukusha munkusu sha munshinshe akutwinjisha muBweene bwa Mwanaakwe usunikwi.

Luka 19:11

Bantu kabacikutika cikani ici, Jesu wakatolelela kubaambila cikoshanyo mukwiinga wakashika pafwaafwi akuJelusalemu. Mpeeke bantu bakalinga kuyeeya ayi Bweene bakwe Lesa bulibo pafwaafwi kuboneka.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Milimo ya Batumwi 22:14

Mpomunyaawo wakaamba ayi, ‘Lesa ngobakalinga kulambila bamashali besu bakulukulu, wakusala kwaamba ayi ushibe kubamba kwakwe akubona Musebenshi wakwe ululeme alimwi akunyumfwa mwiine kaamba awebo.

Jelemiya 23:5

Mwaami Lesa waamba ayi, “Ciindi cilaakushika ndyeshi nkasale wamulunyungu lwakwe Defedi ululeme kuba mwaami. Mwaami uyo ulaakulela cabusongo akucita shintu shiluleme akoombolosha cakutanyengelela mucishi.