Mateyo 5:7 - Baibo Busansulushi Bwa Libuku Ili

⁷ “Balicite coolwe abo balekelela babyaabo, mukwiinga Lesa ulaakubalekelela abalo.

Mateyo 5:7 교차 참조

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

2 Samwelo 22:26

“NoBaami baLesa mulashomeka kubaabo bashomeka kuli ndimwe, alimwi muli babotu kubaabo bali kabotu kuli ndimwe.

Kulumbaisha 18:25

NoBaami baLesa mulashomeka kubaabo bashomeka kuli ndimwe, alimwi muli babotu kubaabo bali kabotu kuli ndimwe.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

Bene Kolose 3:12

Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo.

Luka 6:35

Sombi mwebo mutaciti boobo, amusune balwani banu alimwi akucita shibotu kuli mbabo. Amukweleteshe kutamba ayi bakamuboosheshe. Lyalo mulaakuba acilambu cinene kwiculu. Mulaakuba bana bakwe Lesa wa kwiculu Wiindaawo uyo ucita shibotu kubaabo bataluumbi ababiibi.

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Tushimpi 19:17

Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Bene Ebulu 4:16

Aboobo, tutatonshi, atushike kucuuna cakwe Lesa ca bwaami uko kuli luse. Uko Lesa ulaakutunyumfwila nkumbu akutubonesha luse lwakutucafwa paciindi ceelete.

Tushimpi 11:17

Muntu ucite nkumbu ulalambulwa pankumbu shakwe, sombi muntu shilunkutwe ulalipensha mwiine.

1 Pita 2:10

Kale kale temwakalinga bantu bakwe Lesa, sombi ono muli bantu bakwe. Kale kale temwakalinga kwishi nkumbu shakwe Lesa, sombi ono mwatambula nkumbu shakwe.

Maako 11:25

Lyoonse ndimwiimikana ayi mupaile, kamulekelela boonse abo bamucitile milandu kwaamba ayi alakwe Ishiwanu uli kwiculu amulekelele shibiibi shanu. [

Tushimpi 14:21

Uyo woonse useka shikamukobonyina, ulabisha, sombi ulicite coolwe uyo ufwita nkumbu mukandu.

Osiya 2:1

Bene Isilaelinyoko basankwa kobatumba ayi, ‘Bantu bangu’ abalo banakashi ayi, ‘Basunikwi bangu.’

Kulumbaisha 112:9

Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.

Kulumbaisha 112:4

Nabi kube munshinshe, lakwe muntu ululeme uleenda mumuni. Ee, kuli baabo beshiluse, beshinkumbu alimwi baluleme kuli mumuni.

Kulumbaisha 37:26

Sombi balo lyoonse mbeshi kwaababo cakusangalala akukongosha bamwi. Bana babo abalo balaba ncoolwe kuli mbabo.

1 Timoti 1:13

Nakubi kwaamba ayi ndakalinga shikucobola Lesa, shikupensha bantu bakwe Lesa alimwi mukali abuumbi, Lesa wakanyumfwila nkumbu ceebo ndakalinga kucita shintu ishi mukubula lushibo alushomo.

1 Bene Kolinto 7:25

Ono kweelana amwiipusho ngomwakeepusha pabanakashi batana kweebwa, nshiciteewo mulawo uswa kuMwaami Jesu. Sombi ntoopabo muyeeyo wangu kweelana mboondi muntu weelete kushomekwa ceebo ca nkumbu sha Mwaami.

1 Timoti 1:16

Sombi nceceeco Lesa ncaakanyumfwila nkumbu kwaamba ayi kwiinda muli ndime, nemucita shibi wiindaawo, Klistu Jesu atondeshe bushimoyonteeka buteeli. Wakacita boobo kwaamba ayi mbe citondesho kubaabo boonse beshi bakashome muli nguwe akutambula buumi butamaani.

Osiya 2:23

Isilaeli ndaakumushanga mucishi kwaamba ayi akabe waangu. Ndushinisho ndaakutondesha lusuno kubaabo bakalinga kwaambwa ayi, ‘Bateshi basunikwi bangu.’ Ndaakwaambila baabo bakalinga kwaambwa ayi, ‘Bateshi bantu bangu’ ayi, ‘Mwebo muli bantu bangu,’ abalo balaakukumbula ayi, ‘Muli baLesa besu.’ ”

Osiya 1:6

Goma wakamita alimwi akushala mwaana mwanakashi. Lyalo Mwaami Lesa wakaŋambila ayi, “Mwaana uyo mutumbe ayi Lo Luyama mukwiinga teshi nkatondeshewo bene Isilaeli tubili lusuno nabi kulekelela shibiibi shabo.

Isaya 57:1

Bantu bakwe Lesa abo bashomeka balafwa, nakubi boobo taaku nabi womwi ucibika kumaano. Bantu bashomeka balatolwa, sombi taaku ushiba kwaamba ayi baluleme balatolwa mukufunwa kububi.

2 Bene Kolinto 4:1

Paceebo ceeco tatubooli pesule ceebo tulishi kwaamba ayi Lesa wakatupa mulimo uyu kwiinda munkumbu shakwe.

Bene Loma 11:30

Kale kale mwebo nobaswamashi bakunsengwe temwakalinga kunyumfwila Lesa, sombi bulya Lesa wamunyumfwila nkumbu ceebo baJuda bakakaka kumunyumfwila.

2 Samwelo 17:28

bakaletela Defedi abantu bakwe shakoonaawo, mbale shifongomene anongo shipusenepusene. Bakaleta awiti, bale, fulaulo, ciwaya, cilemba, nyangu,

Tushimpi 11:25

Muntu shikwaaba ulapekwa coolwe cakuswitilila, ucafwa bamwi, ulaakucafwikwa alakwe.