6 “Balicite coolwe abo bacite nsala anyotwa ya bululami, mukwiinga Lesa ulaakubapa anshebabula shoonse.
Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”
Ulapa shakunwa kubaabo bafwite nyotwa, akupa shintu shibotu kubafwite nsala ayi bakute.
Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”
Abo bamulemeka ulabapa shoonse nshebasuni. Ulanyumfwa kulila kwabo akubafuna.
Pabushiku bwakweelaako, bushiku bunene kwiinda nshiku shoonse shamukusekelela uko, Jesu wakanyamuka woolobesha ayi, “Na kuli muntu unyumfwite nyotwa ese kuli ndime anwe.
Teshi bakanyumfwewo nsala nabi nyotwa. Teshi bakanyumfwewo lumwi nabi kupenga kucikasaashi cili coonse.
“Mulicite coolwe mwebo nomufwa nsala bulya mukwiinga mulaakukuta! “Mulicite coolwe mwebo nomutoolila mukwiinga mulaakusekelela!
“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.
Wapa bafwite nsala shintu shiinji shibotu, akuboosha babile maansabo.
Paceebo ceeco Mwaami Lesa waamba ayi, “Basebenshi bangu balaakunoolya, sombi mwebo mulaakunoofwabo nsala. Basebenshi bangu balaakunoonwa, sombi mwebo mulaakunoofwabo nyotwa. Basebenshi bangu balaakunoosangalala, sombi mwebo mulaakulenshekwa nsoni.
Balicite coolwe abo mbomwakasala, abo mbomwakaleta ayi bekale mumusena wanu usalalite. Tulaakukuta kushintu shibotu sha muŋanda yanu, ncakwiila shoolwe shamuŊanda yanu isalalite.
Pakalundu aka, Mwaami Lesa ulaakubambila bantu ba mumishobo yoonse kusekelela. Mukusekelela umo mulaakuba shakulya shiindaawo kubota alimwi awaini ubotu wiindaawo.
Moyo wangu ulisuni kushikaamo umo! Ntooyandishisha kwinjila muŊanda ya Mwaami Lesa. Ntoomwiimbila cakusangalala abuumi bwangu boonse, kwiimbila ndimwe nobaLesa boomi.
“Mapensho kuli ndimwe nomukutite bulya mukwiinga mulaakufwa nsala! “Mapensho kuli ndimwe nomusekelela bulya mukwiinga mulaakuungumana alimwi akulila mikunga!
“Bakandu abaabo bataaku mbobabete balalangoola maanshi, ono tabaacaani. Panshingo shabo payuma kunyotwa. Sombi nebo neMwaami Lesa ndaakukumbula kusenga kwabo. Ndushinisho nebo neMwaami Lesa teshi nkabafutatileewo.
Moyo wangu ulaakukuta bweenka bukuta uli pakusekelela alimwi ndaakunokwiimba nyimbo shakumulumbaisha.
Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.
Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!
Mulaakusangalala mububoni bwa njiyo anga ngumwaana kulukolo lwa banyina!”
Bamucita shibi balapekwa shintu isho nshebaloonda, sombi baluleme balatambula shoonse nshebasuni.
Uyo ukonkela shiluleme alimwi ucite nkumbu, ulacana buumi, bululami abulemu.
Ndaakubooshamo nkusu sha baabo balemete akupa shakulya batoowisooka kunsala.
