6 Ndibakamana kulyaambilila shibiibi shabo, wakababombeka muMulonga wa Joodani.
Kuswawaawo bashomi baanji bakalinga kwisa akulyaambilila pameenso a bantu shibiibi shoonse nshebakacita.
Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.
Mukwiinga shilaambabo pashakulya, shakunwa alimwi anshila shakulisalashilaamo shipusenepusene. Yoonse iyi njimilawobo itakumite kumoyo wa muntu, itoosebensa kushikila Lesa ndyeshi akalenge shintu shoonse cipya.
Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.
shapakubombekwa, kubika maansa pabantu ayi bapekwe coolwe, kubuka kuswa kubafu alimwi ambuli Lesa mbweshi akoomboloshe bantu akubapa mulandu wamuyayaya.
Mukwiinga ndimwakabombekwa, cakaba anga mwakabikwa mucuumbwe pantu pomwi aKlistu alimwi mukubombekwa uko mwakabushikwa anguwe kwiinda mukushoma nkusu shakwe Lesa, uyo wakamubusha kuswa kubafu.
Aboobo bakabombekwa mulikumbi amulweenge kwaamba ayi babe womwi aMose.
Ino ucilindilanshi? Nyamuka ulumbaishe liina lyakwe, ubombekwe, Lesa akusalashe kwaamba ayi shibiibi shako shilekelelwe.’
Lyalo ndakeebaluka maswi akaamba Mwaami Jesu ayi, ‘Joni wakalinga kubombeka amaanshi, sombi mwebo mulaakubombekwa aMushimu Usalashi.’
Mukwiinga Joni wakalinga kubombeka amaanshi, sombi kapatana kwiinda nshiku shiinji mwebo mulaakubombekwa aMushimu Usalashi.”
Lyalo Joni wakabaambila boonse ayi, “Nebo ntoomubombeka amaanshi, sombi uyo utoosa uleendaawo nkusu pali ndime cakwaamba ayi nsheelete akwaangulula nsapato shakwe. Uyo lakwe ulaakumubombeka aMushimu Usalashi alimwi amulilo.
Bantu baanji ba mucishi ca Judeya amundabala inene ya Jelusalemu, bakaya kuli Joni mukunyumfwa. Ndibakamana kulyaambilila shibiibi shabo, wakababombeka muMulonga wa Joodani.
Ndakapaila kuMwaami Lesa, Lesa wangu akulyaambilila shibiibi sha bene misheesu ayi, “NoBaami baLesa, mulicite nkusu alimwi tulamulemeka. Mulashomeka kucipangano canu alimwi mulatondesha lusuno lwanu lutamaani kubaabo bamusuni alimwi banyumfwila milawo yanu.
Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.
Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.
Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.
Ono Joshuwa wakaambila Akani ayi, “Omwanaangu, amba calushinisho pameenso a Mwaami Lesa, Lesa wa bene Isilaeli, ulyaambilile omwiine ico ncewacita. Utacishisi kuli ndime.”
Aboobo ulyeelete kulyaambilila cibiibi cakwe. Ulyeelete akulipila shoonse sheelete kwiilikawo acomwi ca shosanwe ca mweelo uyo kumuntu ngwaakabishisha.
“Sombi bamulunyungu lwanu balaakulyaambilila shibiibi shabo alimwi asha bamashali babo bakulukulu, abo bakankaka, kungalukila,
Ulaakubika maansaakwe oonse obilo pamutwi wa njiyo akwaamba bubi boonse, shibiibi, alimwi akwaaloka kwa bene Isilaeli koonse pali njiyo. Pakucita boobo ulaakushituntulwita pamutwi wa mpongo iyo. Lyalo palaakusalwa musankwa weshi akeetole muluyanga.
Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.
Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.
Ono Esila ndyaakalinga kupaila akulyaambilila shibiibi, kaalila akuliwaala panshi kunembo lya Ŋanda yakwe Lesa, likoto linene lya bene Isilaeli, nkokwaamba ayi basankwa, banakashi alimwi abanike bakabungana kumushinguluka. Abalo bakalila abuumbi.
Ulaakuboosha bene Isilaeli baanji kuMwaami Lesa wabo.
