Mateyo 26:28 - Baibo Busansulushi Bwa Libuku Ili

²⁸ mukwiinga ubu mbulowa bwangu bwa cipangano cipya, bweshi bukatiilwe kwaamba ayi baanji balekelelwe shibiibi shabo.

Mateyo 26:28 교차 참조

Bene Lefi 17:11

Buumi bwa cintu cili coonse cuumi buli mubulowa. Anu nceceeco nebo neMwaami Lesa nceŋambila ayi bulowa boonse bunootilwa pacipaililo, kwaamba ayi shibiibi sha bantu shikushikwe. Nkokwaamba ayi bulowa ubo buli mbobuumi, bulakusha shibiibi.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

1 Bene Kolinto 11:25

Mbweeke ubo ndibakamana kulya Mulalilo wakabwesa nkomeshi akwaamba ayi, “Nkomeshi iyi ncecipangano cipya cakwe Lesa ciyuminishikwa abulowa bwangu. Lyoonse pakunwa kamucita boobo mukunjibaluka.”

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Sekaliya 9:11

Mwaami Lesa waamba ayi, “Ono mwebo ceebo ca cipangano ncendakapanga amwebo ico cakayuminishikwa abulowa bwa milambu, ndaakwaangulula bakaili banu kuswa mucishi ca busha cili anga ncilindi citacite maanshi.

Bene Kolose 1:14

Muli nguwe, Lesa wakatwaangulula nkokwaamba ayi wakatulekelela shibiibi shesu shoonse.

Luka 22:19

Kuswawaawo wakabwesa cimaande, walumba Lesa, lyalo wacikomoona akupa bashikwiiya bakwe akwaamba ayi, “Uyu ngumubili wangu [uyo waabwa ceebo ca ndimwe. Kamucita ceeci mukunjibaluka.”

Bene Kolose 1:20

Kwiinda muMwanaakwe uyo, Lesa wakaboosha cibusa cakalinga pali nguwe alimwi ashintu shoonse, sha pacishi ca panshi alimwi akwiculu. Wakaleta luumuno kwiinda mulufu lwa Mwanaakwe pamucilingano.

Bene Loma 5:19

Ncakwiila bweenka mbuli bantu boonse mbobakaba bamucita shibi ceebo cakutanyumfwila Lesa kwa muntu womwi, mbomunya ubo bantu boonse mbobalulamikwa ceebo cakunyumfwila Lesa kwa muntu womwi, Jesu Klistu.

Maako 14:24

Lyalo wakabaambila ayi, “Ubu mbulowa bwangu bwa cipangano cipya bweshi bukatiilwe ceebo ca bantu baanji.

Jelemiya 31:31

Mwaami Lesa waamba ayi, “Inshiku shilaakwisa, ndyeshi nkapange cipangano cipya abene Isilaeli alimwi abene Juda.

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.

Bene Loma 5:15

Nakubi boobo bantu bobilo aba balipusene ceebo cipo cakwe Lesa taceelene acibiibi cakacita Adamu. Ndushinisho kwaamba ayi bantu baanji bakafwa ceebo ca muntu womwi uyo. Sombi luse lwakwe Lesa acipo cakwe shileendaawo mukwiinga shilaletela bantu baanji shoolwe kwiinda muluse lwakaboneka mumuntu womwi, Jesu Klistu.

Maako 1:4

Paceebo ceeco, Joni wakesa kulubasu lwa luyanga kaabombeka akushimikila ayi, “Amusanduke kuswa kushibiibi shanu, mubombekwe nkwaamba ayi Lesa amulekelele shibiibi shanu.”

Mateyo 6:12

Amutulekelele shibiibi shesu, bweenka mbotulekelela batubishisha.

Mateyo 26:27

Lyalo wakabwesa nkomeshi, walumba Lesa, akupa bashikwiiya bakwe akubaambila ayi, “Amunweemo noonse

Mateyo 26:29

Ntoomulwiita ayi, teshi nkanwewo lyobilo maanshi a shisepo sha minyansa, kushikila pabushiku ubo ndyeshi nkanwe anu maanshi apya a shisepo ishi, muBweene bwa baTa.”

Luka 22:20

Mbweeke ubo, ndibakamana kulya mulalilo, Jesu wakapa bashikwiiya bakwe nkomeshi akubaambila ayi, “Nkomeshi iyi ncecipangano cipya cakwe Lesa ca mubulowa bwangu bweshi bukatiilwe ceebo ca ndimwe.]

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!