Mateyo 24:7 - Baibo Busansulushi Bwa Libuku Ili

⁷ Mushobo umwi ulaakubukila ubye, abwalo buleelo bulaakubukila bulelonyina. Kulaakuba nsala ashitentanshi mumisena ipusenepusene.

Mateyo 24:7 교차 참조

Luka 21:11

Kulaakuba shitentanshi shiyoosha, nsala, malwashi mumisena ipusenepusene. Kulaakucitika shintu shiloondesha ashitondesho shikankamika kuswa kwiculu.

Ciyubululo 6:8

Ndindakalangilisha, ndakabona liaki litubulukite. Uyo wakalinga kutantiteewo liina lyakwe wakalinga Lufu. Lyalo musena wa bafu wakamukonkela pesule. Balo bakapekwa nkusu shakucaya cipansha comwi ca shone ca bantu boonse mucishi ca panshi. Nkusu shabo shakalinga shakucaya kwiinda munkondo, nsala, malwashi alimwi abanyama bakali ba muluundu.

Isaya 19:2

Mwaami Lesa waamba ayi, “Ndaakulengesha bene Ijipiti kubukila bene Ijipitinyina. Nkokwaamba ayi musankwa ulaakubukila mukwabo musankwa, shikamukobo ulaakubukila shikamukobonyina, ndabala ilaakubukila ndabalanyina, bulelo bulaakubukila bulelonyina.

Sekaliya 14:13

Pabushiku ubo, Mwaami Lesa ulaakubalengesha miyeeyo yabo kufulungana alimwi balaakuba aboowa cakwaamba ayi umwi ulaakucata mubye uli pafwaafwi anguwe palyaansa akutalika kulwanaakwe.

Milimo ya Batumwi 11:28

Lyalo umwi mulikoto lyabo wiitwa ayi Agabasi, wakeemikana akulaluka kwiinda munkusu sha Mushimu Usalashi ayi kulaakuba nsala inene mucishi coonse. (Ici cakacitika Kulodyasi ndyaakalinga Sisa muleli munene wa kuLoma.)

2 Makani 15:6

Cishi comwi cakalinga kulyatililwa acishi cimwi, ayalo ndabala yomwi yakalinga kulyatililwa andabala imwi mukwiinga Lesa wakalinga kuleta mapensho abuumba pali mbabo.

Ciyubululo 6:12

Lyalo Mwanaambelele ndyaakalamatula kalamatila wasanu awomwi, ndindakalangilisha, kwakacitika citentanshi cinene abuumbi. Lisuba lyakacileka kubala, lyakaboolabo mbi, anga ncisani cilemu cishiya. Awalo mweenshi wakaboolabo pyu anga mbulowa.

Bene Ebulu 12:27

Aboobo, liswi lyakwaamba ayi, “Alimwi” lilabonesha patuba ayi shilengwa shoonse shilaakutenkaanishikwa alimwi akukushikwa, kwaamba ayi kukacaale sheesho shitatenkaanishikwi.

Esekelo 21:27

Matongo! Matongo! Ee, ndaakulengesha ndabala inene kuba matongo. Ici teshi cikacitike kushikila uyo ngondakasala akese mukupa ndabala iyi mulandu. Lyalo ndaakwiipa kuli nguwe.’

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Milimo ya Batumwi 2:19

Ndaakucita shaankamiko kwiculu alimwi ashitondesho sha nkusu sha kwiculu pacishi ca panshi. Kulaakuba bulowa, mulilo alimwi ashikunku wa bwiishi.

Isaya 29:6

Mwaami Lesa Shinkusu shoonse ulaakwisa mukukupulusha acilulumo, citentaanshi alimwi acoongo cinene. Ulaakwisa amfuula ya muuwo, cipuupu cinene alinyaku lya mulilo ukali.

Ciyubululo 6:5

Mwanaambelele ndyaakalamatula kalamatila watatu, ndakanyumfwa cilengwa cuumi catatu kacaamba ayi, “Kosa!” Mpomunyaawo mwakaswa liaki limwi, lyalo lyakalinga kushiya. Wakalinga kutantiteewo wakalinga kucite cipimo mulyaansa.

Ciyubululo 6:6

Pesule, ndakanyumfwa cakalinga kunyumfwika anga ndiswi, kuswa pakati pashilengwa shuumi shone isho lyakwaamba ayi, “Cipimo comwi ca witi cakalinga kuulwa maali ayo muntu ngweenga wasebensela pabushiku alimwi shipimo shotatwe sha maila shakalinga kuulwa bweenka ubo. Sombi mutanyonyooli mafuta alimwi awaini.”