Mateyo 2:12 - Baibo Busansulushi Bwa Libuku Ili

¹² Lesa wakabacenjesha muciloto mashiku ayi batabooleli kuli Elodi, aboobo bakeenda nshila imwi pakuya kumishaabo.

Mateyo 2:12 교차 참조

Mateyo 2:22

Sombi ndyaakalinga kuya munshila, wakanyumfwa ayi Akelosi ngowakekala pacuuna cakwe ishi kuba mwaami mucishi ca Judeya. Paceebo ceeco Josefu wakaloonda kushika, wakaya kuGalili kweelana ambwaakacenjeshekwa alimwi muciloto.

Mateyo 2:19

Ono Elodi ndyaakafwa, munjelo wa Mwaami Lesa wakaboneka kuli Josefu kaacili kuIjipiti muciloto,

Mateyo 2:13

Ono basongo balya ndibakaswaako, munjelo wa Mwaami Lesa wakaboneka kuli Josefu muciloto akumwaambila ayi, “Nyamuka utole mwaana abanyina muye kuIjipiti. Mukekaale kweenka uko kushikila nkamwaambile ayi musweeko, mukwiinga Elodi utooyanda kucaya mwaana.”

Mateyo 27:19

Pilato ndyaakalinga kushiite pacuuna cakoombolosheshaawo, mukaakwe wakatumya maswi akwaamba ayi, “Mutaciti cintu nabi comwi pamuntu uyo utacite mulandu ceebo sunu mashiku ndapenshekwa abuumbi muciloto ceebo ca nguwe.”

Mateyo 1:20

Ndyaakalinga kuciyeeya cikani ici, munjelo wakwe Lesa wakaboneka kuli nguwe muciloto kaamba ayi, “Josefu, omwanaakwe Defedi, utaloondi kweeba Maliya, mukwiinga ulimitite lyankusu sha Mushimu Usalashi.

Kulonga 1:17

Sombi beshikutumbusha abo bakalinga kuloonda Lesa. Aboobo tabakwe kukonkela maswi akaamba mwaami wa Ijipiti, sombi bakalinga kuleka baana basankwa ayi bakule.

Matalikilo 31:24

Mashiku ayo Lesa wakaambila Labani muciloto ayi, “Cenjela kwaamba ayi utalengeshi boowa Jakobo munshila ili yoonse.”

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

Milimo ya Batumwi 5:29

Mpeeke Pita abatumwi bamwi boonse bakakumbula ayi, “Tulyeelete kunyumfwila Lesa, kuteshi bantu, sobwe!

Milimo ya Batumwi 4:19

Sombi Pita aJoni bakabakumbula ayi, “Mwebo nobeene amusale ciluleme pameenso akwe Lesa, na swebo tunyumfwile ndimwe nabi kunyumfwila Lesa.

Danyelo 2:19

Ono mashiku ayo eenka cintu ico cishisitwe cakayubululwa kuli Danyelo mucili anga nciloto. Lyalo Danyelo wakalumbaisha Lesa wa kwiculu

1 Bene Kolinto 3:19

Ceebo busongo bwa buntu mbuluya mumeenso akwe Lesa. Bweenka bwaamba Malembo akwe Lesa ayi, “Lesa ulacatisha basongo mubucenjeshi bwabo.”

Luka 2:26

Mushimu Usalashi uyu wakalinga wamuyubulwita kale ayi teshi akafwe kaatana kubona Usalitwe wakwe Lesa.

Milimo ya Batumwi 10:22

Basankwa aba bakakumbula ayi, “NguKonelyasi, munene wa bashilumamba bali mwaanda, watutuma. Ngumuntu ululeme, ulambila Lesa alimwi ulalemekwa bumbi abaJuda. Munjelo wakwe Lesa ngowakalwiita Konelyasi ayi akwiite kuŋanda yakwe mukunyumfwa ceeco nceshi ukamulwiite.”

Bene Ebulu 8:5

Milimo bapailishi njebacita ilibo anga ncimfule nabi cikoshanyo ca sheesho sha kwiculu. Cilibo bweenka mbuli mbocakalinga kuli Mose. Mukwiinga Mose ndyaakalinga kusuni kuyaka Tente ya Cipangano Lesa wakamwaambila ayi, “Ulyeelete kuyaka akucita shoonse kweelana ambuli mbowakaboneshekwa pakalundu.”