Mateyo 2:11 - Baibo Busansulushi Bwa Libuku Ili

¹¹ Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Mateyo 2:11 교차 참조

Isaya 60:6

Matanga angamela alaakususha cishi canu, ngamela shiniininiini sha kuMidyani akuEfa. Boonse ba kuSheba balaakwisa, balaakunoosa agolodi alimwi atununkila kabotu pakutenta. Nebo neMwaami Lesa, bantu abo balaakunumba amaswi apeculu.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Luka 2:16

Bakaya cakufwambaana, bacana Maliya aJosefu alimwi amwaana kaalete mulinkubala mulita ŋombe.

Mateyo 2:2

“Uli kuli mwaana washalwa uyo mwaami wa baJuda? Twabona nyenyeenshi yakwe kwicwe, aboobo twesa mukumulambila.”

Kulumbaisha 95:6

Kamwisa tumulambile cakushisha shiwa panshi. Atufukame pameenso a Mwaami Lesa uyo wakatulenga,

Kulumbaisha 72:15

Kaabukila buumi lyoonse! Golodi ya kuSheba aikapekwe nguwe. Aakapaililwe cakutacilekaawo. Aakasengelwe shoolwe lyoonsebo!

1 Baami 10:2

Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Mateyo 14:33

Lyalo bashikwiiya boonse bakalinga mubwaato bakamulambila akwaamba ayi, “Ncakwiila muli bana bakwe Lesa!”

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.

Luka 2:38

Ceenka ici ciindi Jesu ndyaakatolwa, Ana wakashika walumba Lesa akwaamba makani pamwaana uyo kuli baabo boonse bakalinga kulindilila kupulushikwa kwa Jelusalemu.

1 Samwelo 10:27

Sombi bantu bamwi batayeeyi kabotu bakaamba ayi, “Anu musankwa uyu inga watupulusha buyani?” Bakaamba shibiibi pali Saulo, aboobo taaku cipo ncibakamuletelaawo. Sombi Saulo wakalinga kuumwitebo.

Bene Lefi 6:15

Kuswawaawo ulaakutapula lupaka lwa fulaulo usenkene amafuta, alimwi atununkila kabotu tuliiwo, akushitentela pacipaililo kwaamba ayi cibe cishibilo kwaamba ayi shoonse shapekwa kuli ndime neMwaami Lesa. Anu bweema bwa cipo ico bulansangalasha neMwaami Lesa.

Kulonga 30:34

Mwaami Lesa wakaambila Mose alimwi ayi, “Ukabwese tununkila kabotu twiitwa ayi sitakiti, onika, galubanamu alimwi afulankinsensi.

Matalikilo 43:11

Baishiwabo bakabaambila ayi, “Na mboboobo mboceelete kuba, anu amubwese shiswa mucishi cino shibotu kwiindaawo mushifunta shanu, kwaamba ayi mutole cipo kumweendeleshi. Amubikeemo mashina ashisamu aniini, tubuuci, tununkila kabotu mubuyani, mule, nyemu sha pisitashiyo alimwi asha alimondi.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Kulumbaisha 45:8

Mingaanjo yanu yoonse itoonunkilabo mule amafuta amwi anunkila kabotu. Beshikulisha shilimba balamusangalasha mumaanda a bwaami akaboteshekwa ameeca ansofu.

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

1 Baami 10:10

Mpeeke wakapa mwaami Solomoni shipo isho nshaakaleta. Wakamupa makilogilamu a golodi ali 4,000 akuya peculu pantu pomwi atununkila kabotu mubuyani ashakulibotesha shamakwebo. Mweelo wa tununkila kabotu uto twakamupa mwaami mwanakashi wa kuShiba, wakeendaawo kukomena pawooyo wa tooto ntwaakatambulaawo kale.

Kulonga 30:23

“Ukabwese mafuta eendaawo kununkila kabotu, makilogilamu a mafuta eetwa ayi mule ali 6, makilogilamu a mafuta anunkila kabotu eetwa ayi sinamoni ali 3, makilogilamu a mafuta anunkila kabotu eetwa ayi keni ali 3

Lwiimbo lwakwe Solomoni 3:6

Ngani uyu utooswa muluyanga, uyu uli anga mbwiishi butooya mwiculu? Ngani uyu utoonunkila kabotu ceebo ca mafuta a mule amafuta a tununkila kabotu ayo akapangwa kutununkila kabotu toonse twa beshimakwebo?

Mateyo 1:18

Ono mbulya mbwaakashalwa Jesu Klistu. Maliya banyina bakalinga kumamikitwe kuli Josefu, sombi kabatana kweebana, cakacanika ayi bakalinga pakati kwiinda munkusu sha Mushimu Usalashi.

Mateyo 2:10

Lyalo ndibakabona nyenyeenshi iyo bakasangalala abuumbi.

Mateyo 12:46

Jesu ndyaakalinga kucaamba kubantu baanji, kwakesa banyina abamakwabo, bakeemikana pansengwe, kabasuni kwaamba akwe.

Joni 19:39

Alakwe Nikodemasi uyo wakalinga waya kuli Jesu mashiku kataanshi, wakaya aJosefu kaanyamwite mafuta anunkila kabotu asenkene amule aaloyi aanji.