3 Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.
Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,
Mpomunyaawo Jesu wakabaambila ayi, “Amuleke baana baniini bese kuli ndime. Mutanoobakasha ceebo Bweene bwa kwiculu mbwa baabo bali mbuli baaba.”
Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.
Sombi moyo wangu ndookalika akuumusha bweenka buumuna mwaana uli mumaansa a banyina. Ndushinisho mbweeke ubo moyo wangu mbooumwite mucaamba cangu.
Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.
Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”
“Amweeleshe cankusu kwinjila pamulyango ushaankene mukwiinga ntoomwaambila ayi bantu baanji balaakweelesha kwinjila, sombi teshi bakacikoonshe.
Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,
Mukwiinga bantu aba mbeshi cimpamya alimwi bashinka mumatwi abo akucala meenso abo. Nakuteshi boobo, naakwiinga kababonesha akunyumfwishisha, akuba amyoyo yakusuna kukutika kwaamba ayi basanduke kuswa kushibiibi shabo, ayi nebo neLesa mbashilike.’ ”
Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”
Aboobo ntoomwaambila ayi sombibo na bululami bwanu buleenda boobo bwa bafundishi ba Milawo abaFalisi, teshi mukenjile muBweene bwa kwiculu.
Sombi ndakupailila kwaamba ayi lushomo lutamaani. Ono waakupilukila kuli ndime ukayumye babyo.”
kwaamba ayi, ‘Balangishishe, sombi bataboneshi, bakutikishe, sombi batanyumfwishishi, mukwiinga inga basandukila kuli Lesa alakwe inga wabalekelela.’ ”
sombi ulaakumucalwita mulyango wa muBweene butamaani bwa Mwaami Jesu Klistu Mupulushi wesu.
Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”
Lyalo Jesu wakaambila bashikwiiya bakwe ayi, “Ntoomulwiita calushinisho ayi, nciyumu abuumbi muntu mubile kwinjila muBweene bwa kwiculu.
Mukwiinga bantu aba mbeshicimpamya, alimwi bashinka mumatwi akucala meenso abo. Nakuteshi boobo naakwiinga kababonesha akunyumfwishisha akuba amyoyo yakusuna kukutika, kwaamba ayi basanduke kuswa kushibiibi shabo, ayi nebo neLesa mbashilike.’
“Ono ciindi ncemulikasha kulya, mutanokuungumana, bucita bantu baamba nshebataciti. Mukwiinga balo balalyuungumika pameenso ayi bantu boonse babone ayi batoolikasha kulya. Ntoomulwiita calushinisho ayi balo abo batambula kale shilambu shabo.
“Ono pakupaila kuli Lesa, tamweelete kuba mbuli bantu baamba nshebataciti ceebo balo balisuni kwiimikana akupaila mushoonde shabo alimwi amupetukila nshila ayi bababoone. Ntoomwaambila calushinisho ayi abo balo batambula kale shilambu shabo.
Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”
“Paceebo ceeco, pakupa shintu kubantu bapengete, mutoolobeshi kubantu boonse mushoonde amunshila, mbuli bucita bantu baamba nshebataciti, ayi babaluumbe. Ntoomwaambila calushinisho ayi abo balo batambula kale cilambu cabo.
Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.
Mpeeke Jesu wakeeta mwanike akumwiimika pakati kabo.
Aboobo uyo woonse ulibombya mbuli mwanike muniini uyu, ngomunene muBweene bwa kwiculu.
