Mateyo 13:19 - Baibo Busansulushi Bwa Libuku Ili

¹⁹ Na bantu banyumfwa maswi a Bweene bwakwe Lesa cakubula kwaanyumfwisha, alakwe Satana ulesa wakushamo sheesho shashangwa mumyoyo yabo. Bantu bali boobo nshembuto shakalokela munshila.

Mateyo 13:19 교차 참조

Mateyo 13:38

Muunda uyo ncishi ca panshi. Maila mbantu ba muBweene bwa kwiculu, ayalo misonde mbantu ba Mubiibi.

Bene Ebulu 2:1

Nceceeco ncetweelete kwiindilaawo kubikaako maano kushalushinisho isho nshetwakanyumfwa kwaamba ayi tutakasoweki.

1 Joni 5:18

Tulishi kwaamba ayi woonse mwanaakwe Lesa taatoleleli kubisha mukwiinga Jesu Mwanaakwe Lesa ulamulama kabotu. Aboobo Mubiibi taakoonshi kumukumya.

Mateyo 4:23

Jesu wakeenda mucishi coonse ca Galili kuya ciisha mushoonde sha baJuda, akushimikila Makani Abotu a Bweene bwa kwiculu alimwi akuya cishilika malwashi apusenepusene.

1 Joni 3:12

Tatweelete kuba anga nguKaini uyo wakalinga kulubasu lwa Mubiibi akucaya Abelo mwanike wakwe. Ino nciinshi ncaakamucaila? Mukwiinga nshaakalinga kucita lakwe mwiine shakalinga shibiibi, sombi mwanike wakwe kaacita shiluleme.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

2 Bene Tesalonika 2:12

Aboobo abo boonse batakwe kushoma shiluleme, bakakondwa shibiibi, Lesa ulaakubapa mulandu.

Bene Loma 14:17

Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.

Bene Loma 2:8

Sombi bamwi abo basuni kucita nshebasuni beene akukaka kucita shiluleme kabacitabo shitaluleme, Lesa ulaakuboombolosha mubukali bwakwe.

Milimo ya Batumwi 28:23

Mpomunyaawo bakabamba bushiku bumwi bwakwaamba ayi bakabandike aPaulo. Mpeeke kwakesa baJuda baanji pabushiku ubo kumusena uko kwakalinga kwikala Paulo. Kuswa macuunsa kushikila amashiku, Paulo wakalinga kubasansulwita makani aamba paBweene bwakwe Lesa. Wakeelesha kubasansulwita shapali Jesu kwaamba ayi bashome kwiinda mukubaambila shilembetwe muMilawo yakwe Mose alimwi amabuku akalemba balaluki bakulukulu.

Milimo ya Batumwi 20:25

“Ndakeenda muli ndimwe noonse, kaanja cishimikila makani a Bweene bwakwe Lesa. Sombi bulya ndishi kwaamba ayi taaku weshi akamboneewo alimwi.

Milimo ya Batumwi 18:15

Ono mukwiinga ngamakani aamba pamaswi, meena alimwi amulawo wanu, mulyeelete kulibonena nobeene. Nebo nshikoonshi koombolosha shintu shambuli sheeshi, sobwe!”

Milimo ya Batumwi 17:32

Ndibakanyumfwa ayi Paulo utokwaamba shakubuka kuswa kubafu, bamwi bakatalika kumuseka. Sombi bamwi bakaamba ayi, “Tulisuni kwaamba ayi ukese ukatulwiteewo alimwi pacikani ncemunya ici.”

Joni 18:38

Pilato wakeepusha alimwi ayi, “Anu lushinisho ulo ndootokwaamba nciinshi?” Ndyaakamana kwaamba boobo, Pilato wakaswita pansengwe mukulwiita bamaloba ba baJuda ayi, “Taaku mulandu ngondacanina muntu uyu.

Joni 8:43

Ino nceebonshi ncemutoobulila kunyumfwa nshentokwaamba? Sa te nceebo cakwaamba ayi tamusuni kunyumfwa maswi angu?

Luka 10:9

Mukashilike balwashi mundabala iyo alimwi akubaambila bantu uko ayi, ‘Bweene bwakwe Lesa bwasena pafwaafwi amwebo.’

Luka 9:2

Lyalo Jesu wakabatuma mukushimikila shaBweene bwakwe Lesa akushilika balwashi.

Maako 4:15

Bantu bamwi bali anga nimbuto isho shakalokela munshila. Bamanabo kunyumfwa maswi akwe Lesa, Satana ulesa waakushaamo.

Mateyo 5:37

Mwebo amweelebo pakwaamba ayi, ‘Ee’ nabi ‘Sobwe’ mukwiinga na ceenda waawa, ingayi cilaswa kuli Satana.

Tushimpi 17:16

Tacicafwi muluya nabi kaacite maali akuyandoosha busongo, mukwiinga taacitewo maano akwiiya shintu.

Tushimpi 1:7

Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Esekelo 31:18

“Anu ncisamunshi ca mumuunda wa Edeni ceenga ceelanishikwa andiwe kubulemu alimwi ankusu? Nakubi boobo, awebo ulaakubooshekwa kumusena wa bafu pantu pomwi ashisamu sha muEdeni. Ulaakufukilwa pantu pomwi abaabo batapalwitwe abo bakacailwa munkondo. Ici cilaakucitikila Falawo abantu bakwe boonse. Nebo neMwaami Lesa Shinkusu shoonse ndaamba.”

Mateyo 12:26

Ono na Satana wakusha Satananyina, nkokwaamba ayi Satana walibukila, ino buleelo bwakwe inga bwayuma buyani?

Mateyo 13:20

Imbuto isho shakalokela pabulongo bwa mabwe mbantu abo bacita na banyumfwa maswi akwe Lesa, baleendililabo kwaatambula cakusangalala.