Mateyo 12:2 - Baibo Busansulushi Bwa Libuku Ili

² Lyalo baFalisi ndibakabona boobo, bakaambila Jesu ayi, “Bona, bashikwiiya bako batoocita cintu citasuminishikwi aMilawo pabushiku bwakookesha bwa Cibelu.”

Mateyo 12:2 교차 참조

Mateyo 12:10

Peenka mucoonde umo mwakalinga musankwa wakalinga kuyuminite lyaansa. Mpeeke bantu bamwi bakalingaawo bakalinga kusuni kucana cilubo muli Jesu, lyalo bakamwiipusha ayi, “Sa cilasuminishikwa kushilika muntu pabushiku bwakookesha bwa Cibelu?”

Luka 14:3

Lyalo Jesu wakeepusha baFalisi abafundishi ba Milawo ayi, “Sa Milawo ilatusuminisha kushilika pabushiku bwakookesha bwa Cibelu nabi tau?”

Luka 23:56

Kuswawaawo bakaboolela kuŋanda akuya mukubamba mafuta atununkila kabotu tumwi twakunanika mutuntu wakwe Jesu. Pabushiku bwakookesha bwa Cibelu, bakookesha kweelana aMilawo.

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Kulonga 35:2

Munshiku shosanwe abomwi mulyeelete kusebensa milimo yanu, sombi bushiku bwasanu ashobilo, mbushiku busalalite bwakookesha, bubengetwe kuli ndime neMwaami Lesa, Lesa wanu. Uyo woonse weenga wasebensa milimo pabushiku ubu, ulyeelete kucaikwa.

Kulonga 23:12

“Musebense milimo yanu yoonse kwanshiku shosanwe abomwi munsondo, sombi pabushiku bwasanu ashobilo tamweelete kusebensa, kwaamba ayi basha banu alimwi abaswamashi bamusebensela bookeshe kubikaawo ashifubwa shanu shoonse.

Mateyo 12:3

Jesu wakabakumbula ayi, “Sa tamuna kubelengaawo cakacita Defedi ciindi lakwe ababye ndibakanyumfwa nsala?

Maako 2:24

Paceebo ceeco baFalisi bakeepusha Jesu ayi, “Bona, batoocitilanshi cintu citasuminishikwi aMilawo pabushiku bwakookesha bwa Cibelu?”

Luka 6:2

Mpomunyaawo baFalisi bamwi bakeepusha ayi, “Ino mutoocitilanshi citasuminishikwi aMilawo pabushiku bwakookesha bwa Cibelu?”