Mateyo 10:2 - Baibo Busansulushi Bwa Libuku Ili

² Meena abo ngaaya, Simoni wiitwa ayi Pita alimwi aAndulu mukwabo, Jemusi mwanaakwe Sebedi aJoni mukwabo,

Mateyo 10:2 교차 참조

Milimo ya Batumwi 1:13

Ndibakashika, bakenjila muŋanda mucipinda ca peculu mobakalinga kwikala. Batumwi aba bakalinga Pita, Joni, Jemusi aAndulu, Filipo aTomasi, Batolomeyo aMateyo, Jemusi mwanaakwe Alufeyasi, Simoni shikulwanina lwaanguluko alimwi aJudasi mwanaakwe Jemusi.

Mateyo 4:21

Ndyaakeendakobo paniini, wakabona Jemusi aJoni mwanike wakwe, bana bakwe Sebedi, kabali mubwaato aishiwabo kababamba toombe twabo. Jesu wakabeeta,

Joni 12:22

Filipo wakaya mukulwiita Andulu, lyalo Andulu aFilipo bakaya mukulwiita Jesu.

Joni 6:8

Aumwi womwi wa bashikwiiya bakwe wiitwa ayi Andulu, mukwabo Simoni Pita wakaamba ayi,

Luka 5:10

Jemusi aJoni bana bakwe Sebedi babye Simoni abalo bakakankamana abuumbi. Lyalo Jesu wakaambila Simoni ayi, “Utaloondi mukwiinga bulya kuswa sunu, unanooli shikuleta bantu kuli ndime, bweenka mbowalinga kucata nswi.”

Mateyo 4:18

Ono Jesu ndyaakalinga kuya bweenda muloombe lwa Lweenge lwa Galili, wakabona Simoni wiitwa ayi Pita aAndulu mwanike wakwe, kabawaala koombe mumaanshi ceebo bakalinga beshikucaya nswi.

Luka 11:49

Paceebo ceeco Lesa alakwe mubusongo bwakwe wakaamba ayi, ‘Ndaakubatumina balaluki abatumwi, ono bamwi pakati kabo balaakucaikwa abalo bamwi balaakubapensha.’

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

2 Joni 1:1

Nebo nemutanjilili, ntoolembela mwanakashi Lesa ngwaakasala alimwi abana bakwe abo mboonsuni abuumbi. Teshibo ndime neenka neemusuni, sombi abaabo boonse beshi shalushinisho.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

1 Pita 1:1

Ndime Pita mutumwi wakwe Jesu Klistu. Ntoolembela kubantu bakwe Lesa mbaakasala abo bakamwaikila kuPontusi, Galatiya, Kapadosiya, Esha alimwi aBitiniya.

Bene Ebulu 3:1

Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.

Bene Efeso 4:11

Ngowooyo “wakapa bantu shipo” akusala kwaamba ayi bamwi babe batumwi, bamwi babe balaluki, bamwi babe beshikushimikila, bamwi babe beembeshi abafundishi.

1 Bene Kolinto 15:7

Lyalo wakaboneka kuli Jemusi, mpeeke pesule kubatumwi boonse.

Milimo ya Batumwi 12:2

Wakaambila shilumamba ayi acaye Jemusi mukwabo Joni amupeeni.

Milimo ya Batumwi 3:1

Bumwi bushiku Pita aJoni bakaya kuŊanda yakwe Lesa ciindi cakupaila ca 3 koloko malumwi.

Milimo ya Batumwi 1:26

Ndibakamana kupaila, bakooma cisolo, kucana cawita Matiyasi. Mpeeke wakaba mulikoto lya batumwi bali likumi awomwi.

Joni 21:24

Shikwiiya uyo ngowakapa bukamboni pashintu ishi alimwi ngowakashilemba. Aboobo tulishi kwaamba ayi bukamboni bwakwe mbwalushinisho.

Joni 21:20

Pita ndyaakacebukila kwisule, wakabona shikwiiya uyo Jesu ngwaakalinga kusunishi keesa, shikwiiya uyu ngowooyo wakayaamina Jesu pabushiku ndibakalinga kulya mulalilo alimwi akwiipusha ayi, “Ngani eshi amwaabe noBaami?”

Joni 21:2

Simoni Pita, Tomasi wiitwa ayi Mpuundu, Natanaelo wa kundabala ya Kana muGalili, bana bakwe Sebedi abashikwiiya bamwi bobilo, boonse bakalinga kubungene pantu pomwi.

Joni 20:2

Mpomunyaawo wakacica kuya kuli Simoni Pita ashikwiiya umwi, uyo Jesu ngwaakalinga kusunishi, wabaambila ayi, “Bamukushaamo Mwaami mucuumbwe alimwi tatwishi nkobamubika!”

Joni 13:23

Shikwiiya umwi mulikoto lyabo, uyo Jesu ngwaakalinga kusunishi, wakalinga kubambene akwe.

Luka 22:14

Mpeeke ndicakashika ciindi, Jesu wakekala abatumwi bakwe kwaamba ayi balye.

Luka 22:8

Lyalo Jesu wakatuma Pita aJoni, wabaambila ayi, “Kamuya mubambe cakulya ca bushiku bwa Pasika kwaamba ayi tulye.”

Luka 9:10

Ono ndibakaboolela batumwi abo Jesu mbaakalinga atuma, bakamulwiita shoonse nshebakacita. Mpomunyaawo Jesu wakaya eenka abatumwi bakwe kundabala ya Betisaida.

Maako 13:3

Jesu ndyaakalinga kushiite paKalundu ka Olifi kalangene aŊanda yakwe Lesa, Pita, Jemusi, Joni alimwi aAndulu bakeepusha Jesu ndibakalinga beenka ayi,

Maako 1:29

Ndibakaswabo mucoonde ca baJuda, Jesu pantu pomwi aJemusi aJoni, bakalulamabo kumishaabo Simoni aAndulu.

Mateyo 26:37

Mpeeke Jesu wakaya aPita alimwi abana bakwe Sebedi basankwa bobilo. Lyalo Jesu wakatalika kuba abuumba akulisukama mumoyo.

Mateyo 20:20

Mpomunyaawo muka Sebedi, abana bakwe basankwa bobilo, wakaya kuli Jesu, wafukama kunembo lyakwe ayi asenge cimwi cintu.

Mateyo 17:1

Ndipakeenda nshiku shosanwe abomwi, Jesu wakatola Pita, abamukowa bobilo Jemusi aJoni kukalundu kalaamfu, akutanta peculu beenkabo.

Ciyubululo 22:8

Nebo neJoni ndakanyumfwa alimwi akubona shintu ishi. Ono ndindakashinyumfwa akushibona, ndakafukama muliimfwa lya munjelo uyo wakambonesha shintu ishi ayi mulambile.

Ciyubululo 1:1

Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.

3 Joni 1:1

Nebo nemutanjilili ntoolembela mweensuma Gayasi ngoonsuni abuumbi.

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Maako 6:30

Ndibakaboolela batumwi mbwaakalinga atuma, bakakumana pantu pomwi alimwi aJesu, bamulwiita shoonse nshebakacita alimwi akwiisha.

Joni 6:67

Lyalo wakeepusha bashikwiiya abo bali likumi abobilo ayi, “Sa amwebo mutooyanda kunshiya?”

Joni 6:70

Jesu wakaamba ayi, “Sa teshi ndime ndakamusala mwebo nomuli likumi abobilo? Ee, Sombi womwi pakati kanu ngumulwani.”

Joni 6:71

Jesu wakalinga kwaamba Judasi mwanaakwe Simoni Isikalyoti mukwiinga Judasi, nabi wakalinga womwi wa bashikwiiya bali likumi abobilo, ngowakesa mukumwaaba.