Matalikilo 48:15 - Baibo Busansulushi Bwa Libuku Ili

¹⁵ Mpeeke wakapa coolwe Josefu ayi, “Lesa uyo bata baAbulaamu abaIsaki ngobakalinga kusebensela aape coolwe baana aba! Lesa uyo wakantanjilila kushikila asunu aabape coolwe!

Matalikilo 48:15 교차 참조

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Bene Kolose 2:6

Ono ceebo mwakatambula Jesu Klistu akusumina ayi abe Mwaami wanu, amukalilile muli nguwe.

Bene Ebulu 11:21

Ndushomo lwakalengesha ayi Jakobo, kaatana kufwa ape coolwe bana bakwe Josefu boonse. Mpeeke wakayaamina pankoli yakwe akulambila Lesa.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.

Isaya 33:16

Uyu ngomuntu weshi akabule cakulisukama. Uyo ulaakunoolibo anga ngumuntu ucite ciyubilo pakalundu. Ulaakunoopekwa shakulya aalo maanshi teshi akamumanineewo.

Isaya 30:21

Na kwaba kupambuka munshila akulanga kulubasu lwa kucipiko nabi kululyo, mulaakunyumfwa liswi lyakwe kuswa kwisule lyakumulwiita ayi, “Nshila iluleme njeeyi. Amukonkele njiyo.”

Shikushimikila 6:7

Milimo njaacita muntu njakwaamba ayi acane cakulya. Nakubi boobo taakuti napaceyi.

Shikushimikila 5:18

Kuswawaawo ndakayeeya ayi cintubo ciindaawo kubota muntu nceenga wacita nkulya, kunwa akusangalala musheesho nshaakayuwila pacishi ca panshi panshiku shiniini sha buumi isho Lesa nshaamupa. Mukwiinga ico ncecipo ncaakapekwa.

Shikushimikila 5:12

Tulo twa muntu uyuwaana kusebensa, ntubotu abuumbi. Sombi kufula kwa buboni bwa muntu mubile kulamulengesha kutanootukupulaawo napaceyi.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Kulumbaisha 23:1

Mwaami Lesa ngomweembeshi wangu, teshi nkapengeewo sobwe.

Kulumbaisha 16:8

Lyoonse ndatanjisha Mwaami Lesa wangu. Aboobo teshi nkapenge ceebo uli pafwaafwi anebo.

1 Baami 3:6

Solomoni wakakumbula ayi, “Lyoonse mwakalinga kutondesha lusuno kuli bata baDefedi basebenshi banu mukwiinga bakalinga babotu, bashomeka alimwi baluleme mubushicibusa bwabo amwebo. Mwatolelela kubatondesha lusuno lwanu lunene alimwi lutamaani kwiinda mukubapa mwaana uyo utoopyana bwaami bwabo sunu.

Dutolonomi 33:1

Mose, muntu wakwe Lesa, wakapa bene Isilaeli shoolwe ishi kaatana kufwa.

Matalikilo 49:28

Iyi njemikowa ili likumi ayobilo ya bene Isilaeli, alimwi ishi nshesheesho ishiwabo nshaakaamba ndyaakalinga kupa maswi akulasha kweelete mwanaakwe musankwa womwi awomwi.

Matalikilo 49:24

Nakubi boobo buta bwakwe lakwe tabutenkaani. Lyaansa lyakwe lyayuma ceebo ca nkusu shakwe Lesa Shinkusu shoonse, Lesa wakwe Jakobo, Mweembeshi alimwi Mukwabilishi wa bene Isilaeli.

Matalikilo 48:16

Munjelo uyo wakampulusha mushintu shicaya aabape coolwe. Liina lyangu alya bata ba Abulaamu abaIsaki, aatolelele kwiinda mubanike aba! Abakabe abaana baanji alimwi abamulunyungu lwabo!”

Matalikilo 28:22

Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.

Matalikilo 28:20

Mpomunyaawo Jakobo wakashomesha cakulumbila kuMwaami Lesa ayi, “Na munanooli anebo akundama mulweendo ulu ndooncite, kumpa shakulya ashakufwala

Matalikilo 28:3

Lesa Shinkusu shoonse aakape coolwe cikwati cako akukupa baana baanji kwaamba ayi ukabe mushali mukulukulu wa mishobo iinji!

Matalikilo 27:4

Utelekeewo cakulya cilya cibotu ico ncensuni, undetele. Ndamana kulya ntookupa coolwe cakweelaako kaantana kufwa.”

Matalikilo 24:20

Cakufwambaana wakapuumwita mwakalinga kunwita banyama akucicila kumukalo mukuleta aamwi, kushikila shoonse shanwa akukuta.

Matalikilo 6:9

Ici ncikani cakwe Nowa. Nowa wakalinga muntu ululeme pabantu bamuciindi cakwe, alimwi wakalinga kweenda mubushicibusa aLesa.

1 Bene Tesalonika 2:12

Twakalinga kumuyuminisha akumwaambila cankusu ayi mulyeelete kwikala bwikaalo ubo bukondelesha Lesa, uyo umwiita kwaamba ayi mukenjile muBweene amubulemu bwakwe.

Kulonga 3:16

Koya ubunganye bamatanjilili ba bene Isilaeli boonse akubalwiita ayi nebo neMwaami Lesa, Lesa wa bamashali banu bakulukulu, neLesa wakwe Abulaamu, Isaki alimwi aJakobo ndakaboneka kuli ndiwe. Ubalwiite alimwi ayi ndesa akubona bene Ijipiti ncebatoocita kuli mbabo.

Kulonga 4:5

Mwaami Lesa wakaamba ayi, “Anu ukacite bobulya kubene Isilaeli kwaamba ayi bakashome ayi Mwaami Lesa, Lesa wa bamashali babo bakulukulu, Lesa wakwe Abulaamu, Isaki alimwi aJakobo, wakaboneka kuli ndiwe.”

1 Makani 5:1

Aba mbamulunyungu lwakwe Lubeni uyo wakalinga mwanaakwe Jakobo musankwa wakwiiya. Ono ceebo mwaana uyo wakakumana akasuwa wa baishi, wakasowa nkusu sha bunenebantu bwakwe lyalo nkusu isho shakapekwa kubana bakwe Josefu mwanaakwe Isilaeli. Paceebo ceeco taakwe kubelengelwa pamundando wa bamulunyungu lwakwe Jakobo kweelana akushalwa kwakwe.

Matalikilo 24:40

Bakakumbula ayi, ‘Mwaami Lesa uyo ngonyumfwila lyoonse ulaakukutumina munjelo kwaamba ayi akakulengeshe kukonsha kucita ubo. Mwanakashi weelete kweeba mwanaangu ulyeelete kuswa kubene misheesu pakati ka bamulunyungu lwa bata.

Matalikilo 27:27

Ndyaakalinga kwisa cisena, Isaki wakanunsha shakufwala, aboobo wakamupa coolwe. Wakaamba ayi, “Bweema bubotu bwa mwanaangu buli anga mbweema bwa muunda uyo Mwaami Lesa ngwaapa coolwe.

Matalikilo 35:3

Tutooswaako kuno akuya kuBetelo uko nkweshi nkayakile Lesa cipaililo, uyo wakancafwa muciindi ca makatasho alimwi uyo wakalinga anebo kuli koonse nkondakaya.”

Matalikilo 49:22

“Josefu uli anga ngumunyansa ucata shisepo abuumbi, ee munyansa uli kufwaafwi akantupu. Misampi ya nguwo ilatandabala kulubumbu.