Matalikilo 47:26 - Baibo Busansulushi Bwa Libuku Ili

²⁶ Aboobo Josefu wakabika mulawo wa cishi ca Ijipiti wakwaamba ayi comwi ca shosanwe pakutebula nca mwaami. Uyu mulawo abobulya ucisebensa. Myuunda yeenka yakalinga ya bapailishi njeitakwebo kuba ya mwaami.

Matalikilo 47:26 교차 참조

Matalikilo 47:22

Myuunda njaatakwe kuulabo, njeeyo yakalinga ya bapailishi. Tebakalinga kweelete kuulisha myuunda yabo ceebo mwaami wakalinga kubapa pakucanina buumi.

Esekelo 7:24

Ndaakuleta mishobo iindaawo kubica kwisa mukubwesa maandaanu. Ndaakumanisha kulisumpula kwa beshinkusu alimwi amisena yanu isalalite ilaakubishikwa.

Matalikilo 47:25

Lyalo bakakumbula ayi, “Mwapulusha buumi bwesu. Mwatunyumfwila nkumbu nkambo, alimwi tulisuminite kuba basha ba mwaami.”

Matalikilo 14:20

Aalumbwe Lesa wakwiculu Wiindaawo, uyo wakakupa nkusu shakukoma beshinkondonyoko.” Mpeeke Abulamu wakapa Melikisedeki calikumi pashintu shoonse nshaakapilusha.

Matalikilo 28:22

Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.

Matalikilo 41:34

Mulyeelete kutondeka abamwi bacinenenene beelete kubona ayi comwi ca shipansha shili shosanwe ca shishango cabwesekwa mumyaaka ili yosanwe ayobilo ya shakulya shiinji.

Bene Lefi 27:30

“Pashintu shoonse shilimwa shili likumi, nacibi kwaamba ayi nshili anga ngamaila nabi shisepo, palyeelete kuswa comwi ca likumi cipekwa kuli ndime neMwaami Lesa.

Shakubelenga 18:21

Mpeeke Mwaami Lesa wakaamba ayi, “Bene Lefi ndabapa calikumi coonse ncebandetela bene Isilaeli, ayi ngomalipilo pamulimo ngobacita muTente ya Cipangano.

Dutolonomi 14:22

“Mukanoobika palubasu calikumi pashintu shoonse nsheshi mukanookusha mumyuunda yanu myaaka yoonse.

Dutolonomi 26:12

“Mumwaaka watatu woonse, mukape shalikumi shanu sha shakulya shoonse kubene Lefi, baswamashi, bana banshiwa alimwi abamukalubinje banakashi, kwaamba ayi mumandabala anu oonse bakanooba ashakulya.

Esila 7:24

Ono mwakashikwa kutambula musonko uli woonse kubapailishi, bene Lefi, beshikwiimba, beshikulindilila, basebenshi nabi umwi uli woonse uyo ukumite kuŊanda yakwe Lesa iyi.