24 Pakutebula mulyeelete kupa mwaami cipansha comwi ca shosanwe. Shacaala inga mwakushaawo mbuto acakulya canu nobeene abamuŋanda yanu.”
Mulyeelete kutondeka abamwi bacinenenene beelete kubona ayi comwi ca shipansha shili shosanwe ca shishango cabwesekwa mumyaaka ili yosanwe ayobilo ya shakulya shiinji.
Shibotu shilaya kumubotu moyo ukongwesha cakutalangila mpindu. Ee, shilaya kumuntu uyo weensha milimo yakwe cabululami.
Ulicite coolwe muntu uyo uyeeyela bakandu. Mwaami Lesa ulaakumufuna muciindi ca mapensho.
Pashifubwa shili likumi, ca likumi nca Mwaami Lesa, na shifubwa shitoobelengwa, ca likumi ncaangu neMwaami Lesa.
Lyalo bakakumbula ayi, “Mwapulusha buumi bwesu. Mwatunyumfwila nkumbu nkambo, alimwi tulisuminite kuba basha ba mwaami.”
Josefu wakaambila bantu ayi, “Mwaboona ndamuula amyuunda yanu yoonse kwaamba ayi mube bakwe Falawo. Ono mbuto njeeyi, mushange mumyuunda yanu.
Aalumbwe Lesa wakwiculu Wiindaawo, uyo wakakupa nkusu shakukoma beshinkondonyoko.” Mpeeke Abulamu wakapa Melikisedeki calikumi pashintu shoonse nshaakapilusha.
Lyalo mwaami wa Sodoma wakaambila Abulamu ayi, “Shintu shoonse nshiwapilusha nshaako, sombi nebo umpekobo bantu bangu.”
Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.
“Pashintu shoonse shilimwa shili likumi, nacibi kwaamba ayi nshili anga ngamaila nabi shisepo, palyeelete kuswa comwi ca likumi cipekwa kuli ndime neMwaami Lesa.
Mpeeke Mwaami Lesa wakaamba ayi, “Bene Lefi ndabapa calikumi coonse ncebandetela bene Isilaeli, ayi ngomalipilo pamulimo ngobacita muTente ya Cipangano.
“Mukanoobika palubasu calikumi pashintu shoonse nsheshi mukanookusha mumyuunda yanu myaaka yoonse.
“Mumwaaka watatu woonse, mukape shalikumi shanu sha shakulya shoonse kubene Lefi, baswamashi, bana banshiwa alimwi abamukalubinje banakashi, kwaamba ayi mumandabala anu oonse bakanooba ashakulya.
