Matalikilo 45:1 - Baibo Busansulushi Bwa Libuku Ili

¹ Mpeeke Josefu wakashika pakwaalilwa kulicata pameenso a basebenshi bakwe. Aboobo wakabaambila ayi basweemo mucipinda umo mobakalinga. Taaku umbi wakalingaamo Josefu ndyaakalinga kulisansulula kubamakwabo.

Matalikilo 45:1 교차 참조

Mateyo 18:15

“Na mukwanu wakubishisha, koya ukamulwiite cilubo cakwe. Na wakunyumfwila nkokwaamba ayi wamuboosha kumubili.

1 Bene Kolinto 13:5

Lusuno talupi kubula bulemu, kuliyanda nabi kukalala bwaangu. Ncakwiila lusuno talulengeshiiwo kubikilanina mfundilishi mumoyo.

Milimo ya Batumwi 10:41

Taakwe kuboneka kubantu boonse, sombi kuli ndiswe sobakamboni Lesa mbwaakalinga kusalite kale. Swebo twakalya alimwi akunwaakwe paciindi Lesa ndyaakamubusha kuswa kubafu.

Jelemiya 20:9

Ono na ndaamba ayi, “Teshi nkaambewo tubili sha pali nguwe nabi kwaamba tubili muliina lyakwe,” maswi akwe alababo anga ngumulilo mumoyo wangu, ee, anga ngumulilo utoonyaka wacalilwa mumafuwa angu. Ndaalilwa kwaasunga mumoyo wangu ncakwiila inga nshicikonshiiwo, sobwe.

Isaya 42:14

Mwaami Lesa waamba ayi, “Ndoomuna kwaciindi cilaamfu. Ndalinga kuumwitebo akukomenya caamba. Ono bulya ndibo anga ngumwanakashi utooyanda kutumbuka. Ntootweekabo akooloma alimwi akupulumpunta kubukali.

2 Samwelo 1:20

“Cikani ici mutakashimikili bene Gati, nabi kucaambilisha mumikwakwa ya Ashikeloni, mukwiinga inga bakondwa balutundu bene Filisiti, ncakwiila inga basangalala balutundu abo bakunsengwe.

Milimo ya Batumwi 7:13

Mulweendo lwabo lwabili, Josefu wakaliyubulula kubamakwabo akwishibisha Falawo shapabamakwabo.

Matalikilo 44:34

Anu inga ndaya buyani kuli bata na ndabula kuya amwanike uyu? Taakuuwo. Nshisuni kubona bata mbweshi bakoongumane abuumba bweshi bukashike pali mbabo.”

2 Samwelo 13:9

Kuswawaawo Tama wakabwesa cikaye ca shinkwa waya wamutambika shinkwa uyo, sombi wakakaka kulya. Mpeeke Amunoni wakaamba ayi, “Baambile bantu boonse basweemo muno.” Aboobo bantu bakaswaamo.

Matalikilo 42:24

Josefu wakabashiya waya walila. Ndyaakabooshaamo moyo cakukonsha kwaamba, wakaboola, wesa wasalaawo Simyoni akumwaanga boonse kababweneeko.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.