47 Mumyaaka ili yosanwe ayobilo ya shakulya shiinji, myuunda yakalinga kusanyaako.
Isaki wakalima mucishi ico alimwi mwaaka uyo wakatebula shili mwaanda kwiinda pasheesho nshaakashanga, mukwiinga Mwaami Lesa wakamupa coolwe.
Amukabe shili anga ngamaila shiinji mucishi cakwe coonse. Shishango ashikanefume patulundu. Ashikacate anga nsheesho sha kuLebanoni. Mandabala anene aakasule bantu, mbweeke bwiisu mbobuswite muluundu.
Kulaakuba myaaka yosanwe ayobilo ya shakulya shiinji mucishi ca Ijipiti.
Josefu wakalinga kucite myaaka ili 30 ndyaakatalika kusebensela Falawo mwaami wa Ijipiti. Mpeeke Josefu wakaswa mulubansa lwakwe Falawo akweenda mucishi coonse ca Ijipiti.
Isho shoonse Josefu wakashibunganya akushisunga mumandabala anene. Mundabala yomwi ayomwi inene wakasungishaamo shakulya shakaswa mumyuunda iyo yakalinga kushingulukite ndabala iyo.
