16 Josefu wakakumbula ayi, “Anebo nshikoonshi nobaami. Sombi Lesa utoopa bupandulushi buyandika.”
Swebo palweesu taaku ncetucite ceenga catulengesha ayi tube ankusu shakucita mulimo uyu. Nkusu nshetucite shilaswa kuli Lesa.
Bakakumbula ayi, “Soonse sobilo twaloota, ono taaku kuno weenga wapandulula nsheshaamba shiloto isho.” Josefu wakaamba ayi, “NguLesa upa busongo bwakupandulula shiloto. Amundwiite shiloto shanu.”
Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”
Ono Pita ndyaakabona bantu abo, wakabaambila ayi, “Mwebo nobene Isilaelima, nceebonshi mwakankamana pacikani ici akutulangilisha bobulya? Sa mutooyeeya ayi ninkusu shesu nabi mbululami bwesu bwalengesha ayi musankwa uyu eende?
Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.
Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.
Lyalo Pita wakamucata kulyaansa lyalulyo akumunyamuna. Paciindi ceenka ico myeendo yakaba ankusu amutupokoso mwakayuma.
Wakaamba ayi, “Awebo naakwiinga kooshi sheesho shintu sheenga shakuletela luumuno. Sombi mukubula coolwe shakashisikwa kuli ndiwe.
Ndikondetwe abuumbi kumulwiita shitondesho sha nkumbu sha kwiculu ashaankamiko isho Lesa wa kwiculu Wiindaawo nshaancitila nebo.
Lakwe mwaami wakakumbula ayi, “Na Mwaami Lesa taatookucafwa, nebo inga ndakucafwanshi? Sa nebo ndicitewo witi na waini?
Baishi bakaamba ayi, “Koya ukabone na bamakwanu bali kabotu alimwi mbelele ampongo na shili kabotu. Lyalo ukese ukandwiite.” Mpeeke baishi bakamutuma kuswa mucinyika ca Ebuloni. Josefu wakashika kuShekemu
Mpomunyaawo Falawo wakaamba ayi, “Ndakalota kaanyimfwi muloombe lwa Mulonga wa Nailo.
Mpomunyaawo Josefu wakaambila Falawo ayi, “Shiloto shobilo ishi shilaamba cintu comwi. Lesa wamulwiita nceshi akacite.
Cili bweenka mbondamulwiitawo kale kwaamba ayi Lesa wamutondesha nceshi akacite kunembo.
“Kuli shintu shimwi isho Mwaami Lesa, Lesa wesu nshaakatushisa. Sombi wakatuyubulwita Milawo yakwe kwaamba ayi swebo abamulunyungu lwesu tunooikonkela kwamuyayaya.
Kuswawaawo wakaŋambila ayi, “Aya ngomaswi a Mwaami Lesa kuli Selubabelo. Waamba ayi, ‘Teshi ukakome ceebo ca nkusu sha bashilumamba nabi nkusu shako omwiine, sombi ulaakukoma ceebo ca Mushimu wangu. Nebo neMwaami Lesa Shinkusu shoonse ndaamba.
