Matalikilo 35:2 - Baibo Busansulushi Bwa Libuku Ili

² Aboobo Jakobo wakaambila bamuŋanda yakwe abamwi boonse mbwaakalingaabo ayi, “Amusowe balesa beensu mbomucite, amulisalashe, mufwale shakufwala shili kabotu.

Matalikilo 35:2 교차 참조

Kulonga 19:14

Lyalo Mose wakaseluka pakalundu akulwiita bantu ayi balibambile kulambila Lesa. Paceebo ceeci bakacapa shakufwala shabo,

Kulonga 19:10

alakwe Mwaami Lesa wakamwaambila ayi, “Koya ukalwiite bantu ayi kutalika sunu alimwi aciilo, balyeelete kulisalasha ayi balibambile kulambila Lesa. Balyeelete kucapa shakufwala shabo

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Esekelo 18:31

Amuleke shilubo shoonse nshemwakacita, mube amoyo upya alimwi atulango tupya. Ceebonshi mutooyanda kufwa mwebo nobene Isilaeli?

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Joshuwa 24:23

Mpeeke Joshuwa wakaamba ayi, “Ono anu amusowe balesa beensu bali pakati kanu, akupa myoyo yanu kuMwaami Lesa, Lesa wa bene Isilaeli.”

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”

Dutolonomi 32:16

Bakakalasha Mwaami Lesa ceebo cakulambila balesa bamwi, wakabakalalila ceebo ca shibumbwabumbwa shabo shimulensha bunya.

Matalikilo 31:34

Ono Lakelo wakabwesa balesa abo akubabika mucakukalaawo pangamela lyalo wekalaawo. Labani wakalangoola moonse mumusumba, sombi taakwe kutucana.

Matalikilo 31:19

Labani wakalinga waya mukucesa booya mbelele shakwe. Ono ciindi ico ceenka, Lakelo wakeepa balesa bakupanga ba baishi.

Judi 1:23

Bamwi amubayokole mumulilo utamaani akubapulusha. Kuli bamwi beendeleshekwa ashiyanda mibili yabo shibiibi, amubanyumfwile nkumbu. Sombi mulyeelete kucenjela kwaamba ayi mutakoweli abuumi bwa bubi.

Bene Galatiya 4:8

Kale kale Lesa temwakalinga kumwishiiwo, aboobo mwakalinga kusebensela shintu shitabete Lesa.

1 Bene Kolinto 10:7

Tutabi bantu balambila shibumbwabumbwa bweenka bwakalinga kucita bamwi pakati kabo. Kweelana abwaamba Malembo akwe Lesa ayi, “Bantu bamwi bakekala panshi ayi balye akunwa, ono kusekelela kwabo kwakaba kwakunsengwe.”

Milimo ya Batumwi 19:26

Mutoobona akulinyumfwila nobeene shintu shitoocita wooyu Paulo. Utokwaamba ayi balesa babumbwa abantu teshi balesa, sobwe. Aboobo walengesha ayi bantu baanji batalike kushoma musheesho nshaatokwaamba muno muEfeso alimwi amucishi coonse ca Esha.

Danyelo 5:4

Ndibakalinga kunwa waini bakalinga kulumbaisha balesa ba golodi, ba silifa, ba bulonse, ba nshimbi, ba shisamu alimwi aba mabwe.

Esekelo 20:7

Kuswawaawo ndakabalwiita kusowa shibumbwabumbwa shabo shilensha nsoni isho nshebakalinga kusuni. Ndakabakasha kulilengesha kutanoosalalite mukulambila balesa babubeshi ba bene Ijipiti ceebo ndime Mwaami Lesa, Lesa wabo.

Jelemiya 16:20

Sa bantu balakonsha kulipangila balesa babo? Ee, sombi teshi balesa bancinencine!”

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jelemiya 5:7

Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Isaya 1:16

Amulisaanshe mutube. Amucileeke kucita bubi boonse ubu mboomubona kamucita. Ee, amucileeke kucita shitaluleme.

Shikushimikila 5:1

Kamucenjela ndyemuya muŊanda yakwe Lesa. Ncibotu kuya kuŊanda yakwe Lesa mukwiiya kwiinda kuya mukubenga milambu bucita baluya bateshi cibotu acibiibi.

Kulumbaisha 51:7

Amunkushe shibiibi kwaamba ayi mbe usalalite, ee, amunsaanshe lyalo ntootuba kwiinda mapepe a nkobokobo.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

1 Makani 16:26

Balesa ba mishobo imwi yoonse nshibumbwabumbwabo, sombi Mwaami Lesa ngowakalenga liculu.

2 Baami 17:29

Sombi likoto lya mushobo womwi awomwi wa bantu lyakapanga lesa wa nguwo mumandabala ayo ngobakalinga kushiiteemo muSamaliya. Balesa abo bakababika mumisena yakulambililaako ya patulundu iyo yakayaka bene Samaliya.

2 Baami 5:10

Mpomunyaawo Elisha wakatuma musebenshi wakwe ayi alwiite Naamani ayi, “Kamuya musambe mankanda ali osanwe aobilo muMulonga wa Joodani, bulwashi bwanu butoomana.”

2 Samwelo 7:23

Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi abalesa ba njiyo kuswa kunembo lya bantu banu. Ee, bantu abo mbomwakafuna kuswa mucishi ca Ijipiti ayi babe bantu banu.

Lute 1:15

Aboobo Naomi wakamwaambila ayi, “Lute, bona mukwatwanyoko waboolela kubene mishaabo akuli balesa bakwe. Boolela awebo.”

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.

Joshuwa 24:20

Na mukafutatile Mwaami Lesa akusebensela balesa beensu, ulaakukalala akucita cintu ciyoosha pali ndimwe. Ulaakumunyonyoola nakubi kwaamba ayi lyoonse wakalinga kumucitila shintu shibotu.”

Joshuwa 24:2

Joshuwa wakaambila bantu boonse ayi, “Mwaami Lesa, Lesa wa bene Isilaeli waamba ayi, ‘Kalekale bamashali banu bakulukulu bakalinga kwikala kwitala lya Mulonga wa Yufuletisi kabalambila balesa bamwi. Womwi wa bamashali banu abo nguTela, ishi Abulaamu aNawoli.

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.

Dutolonomi 11:28

Sombi litooba lishingo na mwiisuule akutalika kulambila balesa abo mbomutana kulambilawo kale.

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Dutolonomi 6:14

Mutalambili balesa bamwi, abo ba bantu bamushingulukite kuno.

Dutolonomi 5:7

“ ‘Utalambili Lesa aumwi, sombibo ndime.

Shakubelenga 31:24

Anu pabushiku bwasanu ashobilo, mulyeelete kucapa shakufwala shanu. Lyalo mulaakunoosalalite kweelana aMilawo alimwi mulaakusuminishikwa kwinjila mumisumba.”

Bene Lefi 17:16

Ono na wabula kucita boobo, ulyeelete kupekwa mulandu weelete.’ ”

Bene Lefi 15:5

Uyo woonse weenga wakumya bulo bwakwe mpaaona, ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.

Kulonga 23:13

“Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Matalikilo 35:22

Jakobo ndyaakalinga kwikala mucishi ico, Lubeni wakakumana aBiluya, womwi wa bakasuwa ba baishi. Jakobo wakacinyumfwa cikani ici alimwi wakakalala abuumbi. Jakobo wakalinga kucite baana bali likumi abobilo.

Matalikilo 34:2

Ono Shekemu mwanaakwe Amo mwine Ifi, uyo wakalinga mwaami wa musena uyo ndyaakamubona, wakamucata akukumanaakwe.

Matalikilo 31:30

Ndishi kwaamba ayi wakanyamuka mukwiinga wakalinga kunyumfwite kalyokolyoko ka kuyanda kuboolela kumishaanu, ono wakeepilanshi balesa ba muŋanda yangu?”

1 Samwelo 16:5

Samwelo wakalinga kukumbula ayi, “Ne taaku cabica, ndesabo mukubenga mulambu kuMwaami Lesa. Amulisalashebo tuye soonse mukubenga mulambu.” Lyalo wakalwiita Jese abana bakwe basankwa ayi balisalashe. Mpeeke wakabatamba ayi bese kumulambu.

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.