Matalikilo 34:30 - Baibo Busansulushi Bwa Libuku Ili

³⁰ Lyalo Jakobo wakaambila Simyoni aLefi ayi, “Mwaleta makatasho pali ndime. Bulya bene Kenani, bene Pelisi, abamwi boonse mucishi batoompata. Nshicite basankwa baanji. Na bakalibuunge kwaamba ayi bandwaane, nebo amwebo noonse nobamuŋanda yangu tulaakunyonyoolwa.”

Matalikilo 34:30 교차 참조

Kulumbaisha 105:12

Bantu bakwe Lesa bakalinga baniini, bakalinga mbeensu mucishi ca Kenani.

1 Samwelo 13:4

Bene Isilaeli boonse bakalwiitikwa ayi Saulo wakacaya mutanjilili wa bashilumamba bene Filisiti. Aboobo balipatitwe kubene Filisiti. Mpeeke bantu boonse bakanyumfwa kwiita kwakwe Saulo akuya kuGilugala uko nkwaakalinga.

Joshuwa 7:25

Joshuwa wakaamba ayi, “Nciinshi ncewaletela mapensho aya pali ndiswe? Mwaami Lesa bulya utooleta mapensho pali ndiwe!” Mpomunyaawo bene Isilaeli boonse bakacaya Akani kumabwe. Lyalo ndibakamana kucaya bamuŋanda yakwe boonse kumabwe, bakabatentela pantu pomwi ashintu shakwe shoonse.

Kulonga 5:21

Lyalo bantu aba bakaambila Mose aAloni ayi, “Mwaami Lesa wabona shoonse nshemwacita. Aboobo utoomupa mulandu ceebo mwalengesha ayi mwaami Falawo alimwi abacinenenene bakwe batupaate. Mwalengesha ayi bacane nshila yakutucailaawo.”

1 Makani 19:6

Mwaami Anuni abene Amoni bakeshiba ayi bakalengesha mwaami Defedi kuba mulwani wabo. Mpeeke bakalipila makilogilamu a Silifa ali 34,000 kwaamba ayi kuMesopotamya, kuMaaka aSoba mucishi ca Silya kuswe shikoci abashilumamba balwanina mushikoci.

1 Makani 16:19

Bantu bakwe Lesa bakalinga baniini, bakalinga mbeensu mucishi ca Kenani.

1 Samwelo 27:12

Sombi Akishi wakalinga kushoma Defedi kaayeeya ayi, “Walipatisha abuumbi kubene Isilaelinyina, aboobo unanoolibo musebenshi wangu lyoonse.”

Matalikilo 13:7

Alimwi kwaambana kwakatalika pakati ka beembeshi bakwe Abulamu abakwe Loti. Paciindi ico bene Kenani abene Pelisi abalo bakalinga kunoocikala mucishi ceenka ico.

Tushimpi 15:27

Uyo ubilila mukutashomeka ulaletela bamuŋanda yakwe mapensho, sombi uyo ukaka makulo, ulaakuba abuumi.

Tushimpi 11:29

Muntu uyo upensha bamuŋanda yakwe ulalibulisha coolwe, abalo baluya bananooba basebenshi lyoonse ba basongo.

Tushimpi 11:17

Muntu ucite nkumbu ulalambulwa pankumbu shakwe, sombi muntu shilunkutwe ulalipensha mwiine.

1 Makani 16:12

Kamwiibaluka shitondesho sha nkusu sha kwiculu nshaakacita, shaankamiko shakwe alimwi abupingushi mbwaakapa.

1 Makani 2:7

Mwanaakwe Kami nguAkani uyo wakaleta shimfulunganya pabene Isilaeli ndyaakeepa shintu shakabengwa kuli Lesa.

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

2 Samwelo 10:6

Bene Amoni ndibakeshiba ayi Defedi wabacimwa anga ncintu cibolete, bakabweleka bashilumamba bene Silya bapanshi bali 20,000 kuswa muBeti Lewobu aSoba, mwaami wa cishi ca Maaka abashilumamba bakwe bali 1,000 pantu pomwi abashilumamba bali 12,000 kuswa kuTobu.

1 Samwelo 27:1

Ono Defedi wakalyaamboosha mumoyo wakwe ayi, “Bumwi bushiku Saulo ulaakuncaya, taaku ceenda kubota kwiinda kulobokela kucishi ca bene Filisiti. Lyalo Saulo cilaakumulensha butolo kunyandoola kuli koonse mucishi ca Isilaeli. Munshila iyi ndaakufuna buumi bwangu.”

1 Samwelo 16:2

Sombi Samwelo wakaamba ayi, “Nshikoonshi kuya mukwiinga Saulo cikani ico utoocinyumfwa lyalo utooncaya.” Mwaami Lesa wakaamba ayi, “Nyamunina akapwishi uye waambe ayi, ‘Ndesa mukubenga mulambu kuMwaami Lesa.’

Dutolonomi 7:7

“Mwaami Lesa taakwe kumusala ceebo cakwaamba ayi mwakafula kwiinda mishobo imwi yoonse. Mwebo mwakalinga baniini abuumbi kwiinda mishobo imwi yoonse pacishi ca panshi.

Dutolonomi 4:17

munyama nabi muyuni,

Matalikilo 46:27

Ono kubikaako abaana basankwa bobilo Josefu mbwaakashala kuIjipiti, bamulunyungu lwakwe Jakobo bakaya kuIjipiti bakalinga makumi osanwe aobilo pantu pomwi.

Matalikilo 12:12

Na bene Ijipiti bakakuboone, batookuyeyeela ayi uli mukaangu, aboobo batooncaya akukuleka webo kooli muumi.

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 34:2

Ono Shekemu mwanaakwe Amo mwine Ifi, uyo wakalinga mwaami wa musena uyo ndyaakamubona, wakamucata akukumanaakwe.

Matalikilo 34:29

Bakabwesa shintu shoonse shamakwebo, bakacata balutundu boonse abanike, akunyamuna shintu shoonse mumaanda.

Matalikilo 34:31

Sombi bakakumbula ayi, “Tatukoonshi kuleka nankashi yesu kabamucita anga ngumufuule wa bafuule.”

Matalikilo 46:26

Boonse pantu pomwi mbamulunyungu lwakwe Jakobo mbwaakayaabo kuIjipiti, kutabelengelaako bamalokashi bakwe, abo bakalinga makumi osanwe alyomwi alimwi abosanwe awomwi.

Dutolonomi 4:27

Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.

Matalikilo 12:6

Abulamu wakeenda mucishi ico akushika kumubanga wa kuMole muShekemu. Paciindi ico bene Kenani bakalinga kunoocikala mucishi ceenka ico.

2 Samwelo 16:21

Ayitofelo wakakumbula ayi, “Amukumanebo abakasuwa bakashiya baishiwanu ayi balame ŋanda ya bwaami iyi. Lyalo bene Isilaeli balaakunyumfwa ayi mwalipatisha cakutalyatana kuli baishiwanu. Munshila iyo beshikumukonkela baanji balaakuyuminishikwa.”

1 Baami 11:25

Lesoni wakalinga kupatene abene Isilaeli ciindi Solomoni kacili muumi kwiilika pamapensho akalinga kulengeshekwa aAdadi.