Matalikilo 34:19 - Baibo Busansulushi Bwa Libuku Ili

¹⁹ Aboobo cikula bwangu uyo taakwe kumana ciindi mukucita ceeco cakaambwa ayi acite, ceebo wakalinga kumusuni abuumbi mwanaakwe Jakobo mwanakashi. Cikulabwangu uyo wakalinga muntu ulemekwa abuumbi pakati ka bamuŋanda ya baishi.

Matalikilo 34:19 교차 참조

1 Makani 4:9

Kwakalinga musankwa wiitwa ayi Jabesi uyo wakalinga kulemekwa abuumbi kwiinda bamakwabo. Banyina mbobakamutumba ayi Jabesi mukwiinga bakapenga abuumbi pakumutumbuka.

Milimo ya Batumwi 17:12

Mpomunyaawo baJuda baanji, banakashi baGiliki babile alimwi abasankwa, bakashoma.

Milimo ya Batumwi 13:50

Sombi baJuda bakayungoola basankwa bacinenenene mundabala inene alimwi abanakashi bashibikitwe baswamashi bakunsengwe abo bakalinga kulambila Lesa. Lyalo bakatalika kupensha Paulo aBanabasi akubatanda mucishi cabo.

Isaya 62:4

Teshi ukanoociitwa ayi, “Cishaale” nabi kwiita cishi cako ayi, “Matongo.” Sombi ulaakunokwiitwa ayi, “Efisiba,” nkokwaamba ayi usunikwi wangu uli muli nguwe. Acalo cishi cako cilaakunokwiitwa ayi, “Beula,” nkokwaamba ayi weebetwe, ceebo Mwaami Lesa ulaakunookusuni alimwi ngweshi akakweebe.

Isaya 5:13

Aboobo bantu bangu balaakuya mucishi ca busha ceebo cakutanyumfwa kwabo. Bamatanjilili babo balaakumana kufwa kunsala abantubo boonse balaakumana kufwa kunyotwa.

Lwiimbo lwakwe Solomoni 8:6

Umbiike mbe anga ngukalamatila wa keshibilo kumoyo wako alimwi anga ngukalamatila wa keshibilo kulyaansa lyako. Mukwiinga lusuno lulicite nkusu anga ndufu, ee, lulicite nkusu anga ndufu lwiine. Lulanyaka kuba mulilo unene abuumbi akutenta bweenka butenta mulilo wiine wiine.

2 Baami 5:1

Naamani wakalinga mutanjilili wa bashilumamba bene Silya. Wakalinga kulemekwa abuumbi kumwaami wa bene Silya mukwiinga kwiinda muli nguwe, Mwaami Lesa wakalinga kulengesha bene Silya kukoma lyoonse. Wakalinga shilumamba uyoosha, nakubi boobo wakaciswa bulwashi bwa manata.

1 Samwelo 22:14

Aimeleki pakumukumbula wakeepusha ayi, “Ngani pakati ka basebenshi banu umunyumfwila mbuli Defedi mukwe wa kubwalo? Sa te ngumutanjilili wa bashilumamba bamulindilila, ulemekwa kubamuŋanda yanu yoonse?

Shakubelenga 22:15

Mpomunyaawo Balaki wakatuma bamatanjilili baanji beenda bataanshi alimwi bakalinga kwiindaawo kulemekwa.

Matalikilo 41:20

Lyalo shinyangite shakamina shiinite,

Matalikilo 29:20

Jakobo wakasebensa myaaka yosanwe ayobilo kwaamba ayi eebe Lakelo. Myaaka iyo kuli nguwe yakabonekabo anga ninshiku shiniinibo ceebo wakalinga kusuni Lakelo abuumbi.

Matalikilo 34:18

Ici cakaboneka cuubu kuli Amo amwanaakwe musankwa Shekemu.

Matalikilo 34:20

Amo amwanaakwe Shekemu bakaya kumusena wacisenkane kumwinjililo wa ndabala inene iyo akubandika abamundabalanyinaabo.