30 Jakobo wakaamba ayi, “Ndabonana aLesa meenso ameenso alimwi ncili muumi.” Paceebo ceeco musena uyo wakautumba ayi Penyelo.
Aboobo ndaamba anguwe bweenka mbuli muntu mbwaamba amubye, kaanyumfwite kuteshi mumapinda. Lakwe wakabonaawo ambomboneka! Nceebonshi ncemwabulila boowa kutongooka musebenshi wangu Mose?”
Aga wakaliipusha ayi, “Sa ncakwiila ndaboona Lesa akucaala kaandi muumi?” Lyalo Mwaami Lesa uyo wakaamba anguwe wakamutumba ayi, “Lesa Uyo Umbona.”
Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”
akwaamba ayi, ‘Mwaami Lesa, Lesa wesu watutondesha nkusu shakwe shinene abulemu bwakwe ndyaakaamba aswebo kuswa mumulilo! Sunu twaboona ayi cilakonsheka muntu kunoocili muumi nabi na Lesa waamba anguwe.
Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.
Ndushomo lwakalengesha ayi Mose aswe muIjipiti, cakutaloonda bukali bwa mwaami. Cakalingabo anga wakabona Lesa utaboneki, akumulengesha ayi atabooli pesule.
Sombi bulya Lesa wakatuyubulwita shintu ishi kwiinda mukwisa kwa Mupulushi wesu Klistu Jesu. Lakwe ngowakamanisha nkusu sha lufu akutondesha buumi butamaani kwiinda muMakani Abotu.
Ndaseenga Lesa uyo Jesu Klistu Mwaami wesu ngwaakalinga kulambila, Ishiwesu shibulemu, ayi amupe Mushimu uyo weshi ukamupe busongo akumuyubulwita Lesa ayi mukamwishibe.
Mwaami Lesa wakakumbula ayi, “Ndaakuya amwebo alimwi ndaakumupa nkusu shakukoma.”
Lesa utaboneki wakaboneka kwiinda muli Klistu. NgoMwanaakwe Lesa mutaanshi wiinda pashilengwa shoonse.
Ndakankamana abuumbi mukwiinga mwafwambaana kusuula Lesa, uyo wakamwiita kwiinda muluse lwakwe Klistu, akukonkela makani amwi.
Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.
Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.
Mwaami Jeloboamu mwine Isilaeli wakayaka lilinga kundabala ya Shekemu mucishi ca tulundu ca Efuleemu akwikalaako ciindi ciniini. Lyalo wakaswaako akuya mukuyaka lilinga kundabala ya Penuwelo.
Kuswawaawo wakaya kuPenuwelo akuwisha ŋanda yabo ilaamfu. Mpeeke wakacaya basankwa boonse bamundabala inene iyo.
Mpomunyaawo Gidyoni wakaya kuPenuwelo, uko akwalo wakasenga cakulya. Sombi abalo bakamukumbula bweenka mbuli bantu ba kuSakoti.
Kuswabo ceeco ciindi, takuna kubawo kale mulaluki mucishi ca Isilaeli uli anga nguMose, uyo Mwaami Lesa ngwaakalinga kubandikaakwe mulomo amulomo.
Musena uyo wakautumba ayi Betelo. Kalekale ndabala iyo yakalinga kwiitwabo ayi Lusi.
Nshetubona bulya shintu shilyaanga nsheesho shiboneka mucilola. Sombi paciindi ico tulaakubonana meenso ameenso. Lushibo ndotucite talumaniniteewo, sombi paciindi ico lulaakumaninina bweenka Lesa nebo mbwaanshi cakumaninina.
Ono Joshuwa ndyaakalinga pafwaafwi andabala ya Jeliko, wakabona muntu kunembo lyakwe kaacite mupeeni mulyaansa. Joshuwa wakaya kuli nguwe akumwiipusha ayi, “Sa uli kulubasu lwesu nabi kulubasu lwa balwani besu?”
Jakobo ndyaakaboolela kuswa kuMesopotamya, Lesa wakaboneka alimwi kuli nguwe akumupa coolwe.
Mpeeke Manowa wakeepusha munjelo wa Mwaami Lesa ayi, “Ono ndimwe baani liina? Tulisuni kwaamba ayi tukamulemeke shaakucitika nshemwaamba.”
Munjelo uyo wakakumbula ayi, “Ino liina ndyanshi ndimusuni kwishiba? Liina lyangu lilakankamika.”
Nkwabilo sha bashilumamba isho nshebakalinga kusebensesha munkondo pantu pomwi ashakufwala shabo shoonse shinankeene bulowa shilaakutentwa mumulilo.
