Matalikilo 31:41 - Baibo Busansulushi Bwa Libuku Ili

⁴¹ Myaaka yoonse makumi obilo mbondakalinga kwikala amwebo ubo. Ndakatola myaaka likumi ayone kusebensela ayi njebe bana banu bobilo, iyi imwi yosanwe awomwi ndakalinga kusebensela mbelele ampongo. Nakubi boobo, mwakapilula malipilo angu mankanda likumi.

Matalikilo 31:41 교차 참조

Matalikilo 31:7

Ono bakancenjeeka akusandula malipilo angu mankanda likumi. Sombi Lesa taakwe kubasuminisha ayi banciise.

2 Bene Kolinto 11:26

Munyendo shiinji ndakalinga kupulukila kwempe kumaanshi, kubapambi, kubaJudama, kubaswamashi bakunsengwe, mumandabala anene, mumisena yatakalinga kwikala bantu, mulweenge lulaamfu akubashominyineesu babeshi.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

Matalikilo 31:38

Ndekalaanu myaaka makumi obilo kushika sunu. Mbelele ampongo shanu teshakalinga kusansulaawo, alimwi nshikwe kulyaawo mbelele isankwa mulitanga lyanu.

Matalikilo 27:44

Lyalo ukekaale anguwe kushikila mukwanu akabooshemo moyo,

Matalikilo 29:15

Labani wakaambila Jakobo ayi, “Tooelete kunoonsebenselabo kwakubula kufola ayi mukwiinga uli shikamukowa wangu. Ulisuni kwaamba ayi nookufolesha shongaye?”

Matalikilo 30:28

Ambabo malipilo ngoosuni, ntookupa.”

Matalikilo 31:40

Liinji liinji ndakalinga kubalwa lumwi alimwi akwaandwa mpewo mashiku. Tulo nshindakalinga kutubonaawo.

Matalikilo 32:4

Wakabalwiita ayi baambile Esau ayi, “NeJakobo musebenshi wanu unyumfwila, ntooluula kuli Esau mwaami wangu ayi ndakalinga kwikala abaLabani alimwi ayi ndakacelwa kupiluka kushika sunu.

Matalikilo 31:6

Noonse nobilo mulishi kwaamba ayi ndakalinga kusebensela baishiwanu ankusu shoonse.