Matalikilo 30:15 - Baibo Busansulushi Bwa Libuku Ili

¹⁵ Leya wakakumbula ayi, “Sa uciyanda kwiilikaawo ashimwi? Omuntu womwi unyayeewo beebaangu, ono mpaapa ulisuni kunyaya amusamu waleta mwanaangu.” Lakelo wakaamba ayi, “Na umpeewo musamu wa lushalo waleta mwanaako, utookumana aJakobo sunu mashiku.”

Matalikilo 30:15 교차 참조

Shakubelenga 16:13

Sa kutukusha mucishi ca Ijipiti umo mwakalinga bubile alimwi abulongo bubotu, akwisa mukutucaila muluyanga kwakuceyela? Ono ucisuni kuba mwaami wesu?

1 Bene Kolinto 4:3

Nebo palwaangu, tacicite mulandu nabi mwaŋombolosha nabi nkuta imwi ya bantu, alimwi ncakwiila nshilyoomboloshi nemwiine.

Esekelo 16:47

Webo tookwe kukonkelabo nshila shabo alimwi akwiiya micito yabo ilensha bunya, sombi munshila shako shoonse wakabisha kwiinda mbabo.

Isaya 7:13

Mpomunyaawo Isaya wakaamba ayi, “Kutika ono webo owamulunyungu lwakwe Defedi! Sa kupensha bantu uku nkomucita teshi kuunji? Ono sa utooyanda kupensha aLesa wangu?

Matalikilo 30:14

Muciindi cakucesa witi Lubeni wakaya mumyuunda akucana musamu wa lushalo, uyo ngwaakaleta kuli Leya, banyina. Mpeeke Lakelo wakasenga Leya ayi, “Mpeewo musamu waleta mwanaako.”

Matalikilo 30:16

Jakobo ndyaakaswabo kumyuunda macolesha, Leya wakaya wamukumanya akwaamba ayi, “Sunu mashiku utookumana anebo mukwiinga ndakuula amusamu waleta mwanaangu.” Aboobo mashiku ayo Jakobo wakakumanaakwe.