23 Aboobo Mwaami Lesa wakamukusha mumuunda wa Edeni akumulengesha ayi anoolima bulongo uko kweenka nkwaakaswita.
Pesule wakashala mwaana musankwa aumwi wiitwa ayi Abelo. Abelo wakaba mweembeshi, sombi Kaini wakaba mulimi.
Na ukeeleshe kulima shishango, bulongo taaku nceshi bukakukusheewo. Ulaakunoolibo shikwiingooka utacite musena pacishi ca panshi.”
Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”
Balimi boonse balabwesaako shiswa mumyuunda yabo sombi ngumwaamibo ubona mpindu ya myuunda iyo.
Tekwakalingawo shishango pacishi ca panshi alimwi nseke shoonse kashitana kumena, mukwiinga ciindi ico Mwaami Lesa kaatana kuloshawo mfula. Alimwi tekwakalinga muntu shikulima.
Nowa wakalinga mulimi alimwi ngomutaanshi kulima muunda wa minyansa.
Lyalo Mwaami Lesa wakaamba ayi, “Ono muntu waba bweenka mbuli ndiswe, washiba bubotu abubi. Teelete kusuminishikwa kuyapa akulya cisepo ciswa kucisamu cipa buumi, kwaamba ayi anoolibo muumi lyoonse.”
Mpeeke kwicwe lya muunda wakabikaako shilengwalengwa shuumi shiitwa ayi bakelebu amupeeni wakalinga kunyaka mulilo, kwaamba ayi kubule ushika pafwaafwi acisamu cipa buumi.
Lyalo Mwaami Lesa wakabwesa bulongo panshi akubumbaamo muntu. Mpeeke wakamuyoyela muuya upa buumi mumashono, mpomunyaawo muntu uyo wakaba abuumi.
Kuswawaawo Lesa wakalima muunda muEdeni kwicwe, umo mwaakabika musankwa uyo ngwaakabumba.
