Matalikilo 3:15 - Baibo Busansulushi Bwa Libuku Ili

¹⁵ Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Matalikilo 3:15 교차 참조

Bene Loma 16:20

Lyalo Lesa upa luumuno, ulaakunyonyoola nkusu shakwe Satana kwaamba ayi mukamukoome. Luse lwa Mwaami wesu Jesu lube amwebo.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

Ciyubululo 12:17

Lyalo shinshimwe uyo wakakalala ceebo ca mwanakashi uyo. Mpeeke wakaya mukulwana abamulunyungu lwa mwanakashi bamwi boonse abo bakonkela milawo yakwe Lesa alimwi akushoma bukamboni bwakwe Jesu.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Mateyo 13:38

Muunda uyo ncishi ca panshi. Maila mbantu ba muBweene bwa kwiculu, ayalo misonde mbantu ba Mubiibi.

1 Joni 3:10

Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.

Luka 10:19

Ono amunyumfwe! Ndamupa nkusu sha kweenda pansoka apantalaŋongo alimwi akukoma nkusu shoonse sha Mulwani. Taaku ceshi cikamuciise.

Kulumbaisha 132:11

Mwaami Lesa wakashomesha cakulumbila kuli Defedi. Kushomesha uko nkweshi akabule kupilula. Wakashomesha ayi, “Womwi pakati ka bana bako basankwa ulaakulela kuswa ndiwe.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.

Bene Kolose 2:15

Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.

Milimo ya Batumwi 13:10

akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa.

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

Isaya 53:12

Paceebo ceeco ndaakumupa musena wabulemu, ee, kumupa musena pakati ka yeeyo ya basankwa bacite mpuwo mukwiinga waaba buumi kushikila akulufu, mukwiinga alakwe wabelengelwa pantu pomwi abamucita shibi alimwi mukwiinga wakabwesa shibiibi sha bantu baanji akubeemikanina ayi balekelelwe.”

Mika 5:3

Mwaami Lesa ulaakusuula bene Isilaeli, kushikila muleli uyo akashalwe alimwi kushikila bamakwabo abo bali mubusha bakaboole pakati ka bene Isilaelinyinaabo.

Jelemiya 31:22

Citooba ciindi cilaamfu buyani kamutonsha mwebo nobaana batashomeki? Nebo neMwaami Lesa ndaakulenga cintu cipya pacishi ca panshi, ee, cintu cipusenebo anga ngumwanakashi kutabilila musankwa.”

1 Joni 5:5

Ngani weenga wakoma sha mucishi ca panshi? Eenkabo uyo ushoma ayi Jesu ngoMwanaakwe Lesa.

Bene Ebulu 2:18

Ono mukwiinga lakwe mwiine wakasunkwa alimwi akupenshekwa, inga wacikonsha kucafwa baabo batoosunkwa.

Bene Efeso 4:8

Mbuli mbokulembetwe muMalembo akwe Lesa ayi, “Ndyaakatanta peculu peene, wakaya abakaili baanji, wakapa shipo kubantu.”

Ciyubululo 13:7

Munyama ngomunya uyo wakasuminishikwa kulwana abashomi akubakoma. Wakapekwa ankusu shakweendelesha mikowa yoonse, mishobo yoonse, milaka yoonse alimwi abantu bacite shikanda shipusenepusene.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Luka 22:53

Ndaalinga amwebo muŊanda yakwe Lesa lyoonse, sombi tamukwe kuncata. Anu ici nceciindi ncemwasuminishikwa kwaamba ayi mwaami wa munshinshe atondeshe nkusu shakwe.”

Mateyo 23:33

Mwebo nobana bansoka, nobana bampili! Ino mulaakuyuba buyani mulilo utamaani?

Mateyo 12:34

Mwebo nobana bansoka! Ino inga mwaamba buyani shintu shibotu mwebo nobeene kamuli babiibi? Mukwiinga muntu ulaamba ciswite mumoyo wakwe.

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Bene Loma 3:13

Myaambo yabo njabubeshi, ilacaisha. Kwiinda mumilaka yabo mbeshi kwaamba shakubeca, alimwi mumilomo yabo mulaswabo maswi abucayi, mbuli busoka bwa nsoka.

Luka 1:76

Webo omwanaangu ulaakwiitwa ayi ndiwe mulaluki wakwe Lesa wa kwiculu Wiindaawo, mukwiinga webo ulaakululamikila Mwaami nshila, lakwe kaatana kwisa.

Maako 16:18

Na bakabwese nsoka teshi bakalumweewo, nabi na bakanwe musamu ukola, teshi ukabacaaye. Balaakubika maansaabo pabalwashi, abalo balaakuba kabotu.”

Mateyo 1:25

Sombi taakwe kukumanaakwe pamubili kaacili pakati. Wakashala mwaana musankwa akumutumba ayi Jesu.

Matalikilo 49:17

Dani ulaakuba anga ninsoka mweelanshila, nsooka icite buyoka bucaya mweelanshila, iluma liaki mukapokoso, kwaamba ayi ushiiteewo alokele kwisule.

Danyelo 9:26

Kumeelelesho a ciindi ico, Mutanjilili Usalitwe wakwe Lesa ulaakucaikwa kwakubula mulandu. Lyalo ndabala iyo aŊanda yakwe Lesa shilaakunyonyoolwa alikoto lya bashilumamba ba muleli ucite nkusu shiinji. Meelelesho a nshisho alaakupolabo anga ngamaanshi asefuka kuswa mumulonga. Nkondo akunyonyoolwa isho Lesa nshaakabamba, shilaakutolelela tibili akumeelelesho ayo.

Amosi 9:3

Nabi bakayube paKalundu ka Kamelo, ndaakubayandoola kushikila nkabacaate. Nabi bakayube panshi peene palweenge lulaamfu, ndaakwaambila shinshimwe ayi abaluume.

Luka 24:27

Mpeeke wakabasansulwita shoonse shakalembwa muMalembo akwe Lesa pali nguwe, kutalikila kuli Mose kushikila akubalaluki bamwi boonse.